Kawl Ralkap Bawi U Htun Myat Lay Cu TNLA Ralkap Nih An Than Cang.

TNLA Ralkap nih Kawl Ralbawi Htun Myat Lay an thah tiah Mizzima nih a langhter. Palawng mahten i uknak hmun Nantsan Myone, Loikhan le Ngonsaing Khua karlak i tuk kahnak ruangah Kawl Ralkap nih an i bochan bak mi an hruaitu Ralbawi U Htun Myat Lay cu March 14 ah khan TNLA Ralkap nih an kah caah a nunnak a liam tiah theih a si.

Min langhter lomi Khua mi pakhat nih, “Ralbawi Htun Myat Lay cu Khua kiang a um lio ah an kah hi a si. Mahka hmun a va lennak ah kah a ton hi a si. A tu ahcun a nunnak a liam cang tiah” a chim. A nunnak a liam mi U Htun Myat Lay hi Nantsan Myone, Ngonsaing ah Kawl Ralkap an hruaitu an Ralbawi a si i, Nawlngeihnak a latu Kawl Ralkap kuttang riantuan pakhat a si.

TNLA Ralkap nih U Htun Myat Lay cu an kah i a thi mi a si. Cu hnu ahcun Nawlngeihnak a latu Kawl Ralkap Motor 3 cu a rak phan i, TNLA Ralkap he suimilaam cheu hrawng an i kap tiah Khua mi nih an chim. TNLA Ralkap kahnak in a thi mi Kawl Ralkap hruaitu Ralbawi U Htun Myat Lay a ruak cu Myone Pyituh Siizungpi ah an kalpi tiah theih a si.

Be the first to comment

Leave a Reply

Your email address will not be published.


*