Chin Ramkulh Lamzawhnak Hruaitu Minung 10 Cu Tazacuai An Tong Cang.

March 14 tiang ah Chin ramkulh chung ah ralkap uknak duhlo lamzawhnak hruaitu minung 10 cu pohma 505 (a) in tazacuai an si cang, tiah theih a si.March 13 ah pohma 505 (a) in tazacuai a tongmi hna hmanthlak cu Hakha khuachung ah an tar hna. Cun, Falam zong ah February 28 le March 12 ah pohma 505 (a) in minung 5 taza an cuai ve hna.

May be an image of 1 person, standing, outdoors and crowd
Pohma 505 (a) ning in an zual hmuh an si ahun kum 3 tiang thongthlak khawh a si. Hakha le Thantlang ah ralkap nih an tlaihmi hna CCPR riantuantu Peter le Van Ceu Thawng zong nihin tiang an thlah rih hna lo. The Chin Journal

RELCHAP : Myanmar buainak ah US nih Japan, India le Australia fonh in a phi kawl aa tim : President Joe Biden Cozah nih China ruangah Asia hi aa hmaithlak colh. South China Sea le Myanmar kong ah US nih India, Australia le Japan cu Meeting a tuah pi hna. QUAD timi Meeting an tuah cang i; Myanmar Democracy hi nunter hrimhrim dingin hnatlaknak an ngei. (QUAD timi cu US, Japan, Australia le India hna hi ansi).

US nih Myanmar buainak ah ralkap pawl phihkharnak a tuah cang nain a phi a chuak kho rih loh. US nih ramdang buainak ah hriamnam hmangin kan i tlak ti lai loh tiin an chim hnu ah Japan, Australia le India hmangin Myanmar buainak hi a phi kawl a timh tiin Reuters nih a langhter.Japan, Australia, India le US hna nih Myanmar Democracy hi nunter than dingin hnatlaknak an ngei cang i; zei bantukin dah rian an tuan lai timi belte theih asi rih loh.

Be the first to comment

Leave a Reply

Your email address will not be published.


*