THAWNGPANG CHIATUK A CHUAK. KAN PASALTHA HNA CAMP A RAWK DIH E

Thlichia Ruang ah CDF Kanpetlet, Vakok Battalion le CDF Tongzaang Headquarter Inn A Rawk Dih.Tulio Myanmar ram chung ah a bualcam mi Cyclone Mocha thlichia le ruahchia ruang ah CDF Kanpetlet Vakok Battalion le CDF Tonzaang Headquarter an inn hna cu a rawk dih, tiah theih a si.

Vakok Battalion sakhan hi May 14 ni ahkhan minung umnak inn inn 17 cu a cungcih a hawh dih i bomb hrialnak khor pawl zong ti an luh dih ca ah a rawk dih ve, tiah theih a si. Cun, CDF Tonzaang zong hi an headquarter umnak inn inn 6 hrawng a rawk dih cikcek ve, tiah theih a si.

Mocha thlichia le ruahchia nih hin Chin Ramkulh chung inn 200 fai a hrawh i hi chung ah a cheu hi cu minung um khawh ding a si ti lo, a thar in remh ṭhan dih an hau, tiah theih a si. Credit: The Chin Post