Zotung Ram Thli Nih Khua Inn Hrawhmi Tam Central Lairam, Lawngtlai 2023 Biangreithlep 15 : East Lairam, Matupi peng Zotung ram Tingsi khua ah Biangreithlep 13 ah thlihraang nih khuami inn 130 lakah Biakinn telh in inn 100 leng a hrawh tiah Tingsi khuami hna sinin theih a si.
Tuilaw khua zong thli nih inn 5 a hrawh tiah theih a si.Cun Hunglei khua ah Biangreithlep 14 khan sumilaam pakhat chung hrawng thli a hraan caah inn 80 chung ah inn 60 leng an rawk tiah theih a si.ZTT
Thawngpang dang.Thlichia Ruang ah CDF Kanpetlet, Vakok Battalion le CDF Tongzaang Headquarter Inn A Rawk Dih.Tulio Myanmar ram chung ah a bualcam mi Cyclone Mocha thlichia le ruahchia ruang ah CDF Kanpetlet Vakok Battalion le CDF Tonzaang Headquarter an inn hna cu a rawk dih, tiah theih a si.
Vakok Battalion sakhan hi May 14 ni ahkhan minung umnak inn inn 17 cu a cungcih a hawh dih i bomb hrialnak khor pawl zong ti an luh dih ca ah a rawk dih ve, tiah theih a si. Cun, CDF Tonzaang zong hi an headquarter umnak inn inn 6 hrawng a rawk dih cikcek ve, tiah theih a si.
Mocha thlichia le ruahchia nih hin Chin Ramkulh chung inn 200 fai a hrawh i hi chung ah a cheu hi cu minung um khawh ding a si ti lo, a thar in remh ṭhan dih an hau, tiah theih a si. Credit: The Chin Post
Leave a Reply