TUTAN CU MESSI LE RONALDO NIH CO DAWH A SI TI LO A CHIMNING ATTHA TUK

Mbappe nih hin Ballon d’Or cu a co hrimhrim ding asi tiah Louis Saha nih a chim. Kylian Mbappe hi Ballon d’Or a hmu dingah ka zumh taktak tiah a chim. Cun Kylian Mbappe nih hin Messi le Ronaldo hna cu alonh cang hna lai tiah apeh chap. Mbappe hi tutan season chungah a cawlcangh ning zoh tikah atha ngaingai ve mi asi.

PSG caah Kylian Mbappe hi puai 36 a chuih i, hi chungah Goal 30 a khumh kho mi zong asi. Culawng siloin midang goal dingah a tuahpiak mi hna hi voi 19 asi tthan rih. Kylian Mbappe cu theihcio bangin a team asimi PSG cu Ligue 1 title a lak pi lawng siloin UEFA Champions League Final zong aphak pi rih mi asi.

Cristiano Ronaldo le Lionel Messi hi a thiam bakmi an si ko pin ah an pahnih in Ballon d’Or zong tam ngaite an lak cang. Kumpi kum 12 chungah Lionel Messi nih voi 6 a co cang i, Cristiano Ronaldo nih voi 5 alak ve cang. Hi konghe pehtlaiin tutan ah thawngpang a vun lang ngaingaimi cu a cunglei ah vun langhter mi hi asi.

France Football nih bawlung chuih thiam taktak mi hawihlei in mi cung cuang asimi caah laksawng atuah mi hi Kylian Mbappe tluk in aphu mi midang an um lo. Amah hi laksawng atingco dingmi cu asi ko tiah Louis Saha niha chim. Messi le Ronaldo cu alonh hna lai i, amah nih a co ko lai tiah a chim. Caan raulo te ah amah hi vawlei cung ah athiambik asi cang lai tiah a chim chih.

Caan zeimawzat chung hliam atuar i a vun dam deuh bak cun a vun i langh colh. UEFA Champions League ah team dang pawl atei ngaingai hna i, a thiamnak siseh a cawlcangh aranning siseh a tlik tthawn hna hi aho hmanh nih an tei kho bak lo. A upa fawn lo, hitluk athat hi cu khuaruahhar asi ko. Achimzia hmanh ka thiam lo tiah a chim.

Mbappe hi kum 21 te lawng asi rih. A tuanbia hi tampi a um ve ngaingai mi asi. Nai hrawng season 4 aliamcia ah khan season kip Goal 20 hi cu atlawmbik ah a khumh pengmi asi. Adonghnak pahnih le bangah cun goal 30 a khumh veve. Mbappe hi France ram ah Title tuahmi vialte cu alak dih pin ah FIFA World Cup zongah France cu champion alak pi rih hna.

Ka caah cun Kylian Mbappe hi atu zongah vawlei cung bawlung chuih thiam bik pathum chungah aa tel cang i, atu dirhmun ahcun Messi le Ronaldo dirhmun he an i dannak hi a um bak lo tiah ka ruah. An mah pahnih Messi le ROnaldo cu Kylian Mbappe nih a chawn hrimhrim ko hna lai tiah Saha nih a chim. IK

Be the first to comment

Leave a Reply

Your email address will not be published.


*