MESSI KONGAH BARCA PRESIDENT BIACHIM CU LUNG ATTHA LO NGAI

Tulio thawngpang ah a linsa taktak mi pakhat Barcelona Arfi Lionel Messi kong hi asi. Lionel Messi cu aphunphun in a konglam aa tthial lai maw tthial lai lo timi cu Social media ah akhat in a khat. Hi konghe pehtlaiin Barcelona President nih Lionel Messi kong ah a chimmi cu phundang ngaingai a si ve. Barcelona President nih a timi cu Messi a chuah lonak dingah Keimah chuah hmanh ka duh tiah a chim.

Lionel Messi a chuah lonak dingah cun keimah ka rian chuahtak dingin ready ka si ko, Keimah chuah hmanh ka ngamh tiah a chim. Spain thawngzamhnak tthenkhat hna nih an langhter ning cun Barcelona President Josep Bartomeu nih Barcelona an i hngahnak biapi asimi Lionel Messi a chuak lai timi thawngpang alen hnu ah bia a chim ve.

Lionel Messi hi Barcelona ah pehzulh in a um khawhnak ding asi paoh ahcun President ka sinak zongin idinh ding hmanh in timhcia ka si ko tiah a chim. Hi konghe pehtlaiin Spanish TV3 nih thanhnak atuah ning ahcun Barcelona President Bartomeu nih hin Lionel Messi apa Jorge Mess sin ah bia a chim tiah an langhter.

Lionel Messi cu Barcelona chuahtak lo dingin hringtu apa nih cun a thlem khawh asi ahcun ka rian chuahtaak ding in timhcia ka si ko. Messi nih Barcelona a chuahtaak nak in cun keimah tu chuak deuh ning tiah a chim ti asi. Lionel Messi hi an president cungah alung tlin lo ngaingai tiah chim caih a si.

Aruang cu Barcelona nih Ernesto Valverde an chuahnak in siseh Neymar an kauh auh tthan khawh lomi cungah alung tlin lo tiah an chim. Asinain ka chuak lai timi kongtu cu a chim ballo ti asi. Asinain tutan ah chuah aduhnak aruang bik cu an manager thar Ronald Koeman he an i chawnh hnu asi tiah an chim.

Ruah lopi in Lionel Messi nih chuahtaak a timhnak hi zeiruang ah dah asi? an manager thar ruangah maw asi? Asiloah an president Bartomeu ruangah dah asi? timi hi fiang in theih asi rih lo. Lionel Messi nih Barcelona a chuahtak taktak ahcun Barcelona dirhmun zei ngaingai sidawh asi lai lo. Thawngpang fiang hgnakphot cio ko hna usih

Be the first to comment

Leave a Reply

Your email address will not be published.


*