KHABIB NIH ATEIMI JUSTIN CU CONOR FAKTUK IN A TTHUAT, ALEH COLH

Justin Gaethe cu Conor McGregor nih ceilak in a tthuat hnu ah Justin Gaethje zong aa sum kho ve lo i, lehnak atuah colh ve. Theihcio bangin UFC 254 ah Khabib nih Justin Gaethje cu atei. Khabib he an i tthuatnak i, a sunghnak konghe pehtlaiin Conor McGregor nih Justin cu hitihin a tthuat. Atimi cu Dustin Porier nih knockout in a rak i phomh cang.

Tutan ah Khabib Nurmagomedov he nan i phomh lio na cawlcangh ning kha cu ningzak ngaingai asi Justin tiah a tthuat. Justin nih fak ngaiin lehnak atuah colh ve i, a timi cu Khabib ai din cang i, Lightweight chungah keimah hi number one cu ka si ko cang. Poirier le McGregor nih hin Lightweight Title hi cuh nan duh asi ahcun timhcia bak ka si tiah lehnak atuah.

Hi konghe pehtlaiin a chim tthan rih mi cu midang sin ah Title hi pek an duh asi ahcun kei cu chim khawh mi ka ngei lo. Zei paoh sisehlaw kei cu timhcia peng ka si ko. I velh tthan dingah timhcia bak ka si. Hihi ka rian zong asi i, ka nunning ka ziaza zong asi. Culawng siloin i velh hi a nuam taktak ka timi asi tiah fiang ko in lehnak atuah tthan.

Theihcia le thanhnak tuah cang lengmang cang bantukin tutan ah Justin fak ngaiin a vun tthuatu Conor McGregor hi kai ding cang timi bia a chimmi hi voithum khengte asi cang. Asinain kum hramthok ah voikhat ai phomh i, cunak cun voikhat te hmanh ai tthua rih lo. Cun Khabib he an rak i thuat lio ah khan Conor cu Khabib nih arak tei ve mi asi.

Tutan an biaraldoh ning hi a fak ngaingai, Pakhat le pakhat an i ngamh ning hi aturu ngaingai khi asi. Minung tampi hna nih cun an i phomhte ko lai tiah an zumh hna. Hi konghe pehtlaiin Ruassia patthawng Khabib cu teinak a hmuh hnu ah kai din cang lai tiah zapi sin ah thanhnak atuah cang. Khabib hi ai thuatnak ah voikhat te hmanh sunghnak angei rih lo mi asi.

Be the first to comment

Leave a Reply

Your email address will not be published.


*