KAWLRALKAP AN LOR TUK, KHUAMI AN ZEIHMANH POI LO, AN PAH CHIH

Ralhrang kawlralkap an lor chin lengmang cang.Khuami nih zeite hmanh ah an rel hna lo. Moe Kaung khua ah ralkap nih ningcang loin mithal an puah len. May thla ni 9 zan nazi 8 le 9 karlak ah Moe Kaung khua chung ah ralkap nih mipi tih lau hna seh tiin ningcang loin mithal le bomb an puah len tiah khuami hna nih KNG media ah thawng an pek. Myodaw khanma pawng i ummi zung hmai ah voi 3 hrawng meithal an puah.

Cun lam I a chawk mi cycle pakhat zong an kah len. Pha Kanh lei kalnak hlei lei zong ah meithal le bomb puah thawng kan theih len. Cun khua chung Cun Taw hlei pawng zong ah an kah len tiah khuami nih an chim. Cycle a cit mi khuami cu an vuak I bia an hal len. Nazi 11 tiang hi meithal thawng kan theih rih.

Ralhrang kawlralRalkap hna nih ning cang loin kah nak an tuah ruang ah a luan cia mi thla chung ah hliam a pu mi khuami an um tiah theih a si. Ralhrang kawl Ralkap lei nih zaan chiar te meithal puah in mipi an thih phaih hna. Asi nain tu tiang ah khuami hna nih ralhrang kawlralkap duh lonak cu ni tin an langh peng tiah Kachin News nih alanghter.

မိုးကောင်းမြို့တွင် အာဏာသိမ်းစစ်တပ်က သေနတ်ရမ်းသမ်းပစ်ခတ်နေ – Kachin News Group (KNG)

Thawngpang dang relchih: KIA kah dohnak caah le NLD party pawl tlaih nak ding caah tiah Puta Oo khua i USDP party chungtel member pawl nih Ralhrang Kawlralkap cu hriamnam an hal hna. Kachin ram Puta Oo peng i Naung Mon khua hrawng ah a um mi KIA cu doh ve nak ding caah inn kip nih hriamnam ngeih kan herh rak kan pe uh tiah USDP party lei nih Ralhrang kawlralkap sin ah May thla thok hrawng ah an rak nawl hna tiah theih asi.

Nikum 2020 Election lio ah NLD leiin a rak i zuam mi NLD kuzale pawl zong tlaih ding in nai te ah USDP le ralhrang kawlralkap cu biaruahnak an ngei tiah khuami pakhat nih a chim. Naung Mon hrawng I ummi mino pawl cu raltuk dan cawn ding in USDP le ralkap lei an forhfial len hna I tu lio ah raltuk a cawng mi mino 20 an um tiah theih asi.

Be the first to comment

Leave a Reply

Your email address will not be published.


*