FINAL AH NEYMAR AN BAR KHAWH MI ASI CANG ADIRHMUN FIANG LO

Neymar cu UCL final ah a chuih lai maw chuih lai lo timi theih asi rih lo. Aruang cu phung abuar caah a dirhmun kong zeihmanh a fiang rih lo. Vanchiat ahcun a chuih kho lomi asi i, vanthat ahcun a chuih khomi asi. Adirhmun fiangin theih asi rih lo. Theihcia bangin PSG cu UEFA Champions League ah final an lut.

Neymar thawngin PSG cu an vun tthangcho ngaingai i, atu final dirhmun an phak khawhnak zong hi Neymar thawngin ti usihlaw kan palh tuk lai lo dah. Acawlcangh ning zoh tikah attha bik ko ti khawh asi. Acunglei ah langhter cang bangin Neymar cu final ah a chuih lo kho men tiah an chim.

Hi konghe pehtlaiin The Sun thawngzamhnak nih alanghter ning ahcun PSG le RB Leipzig an chuih lio ah PSG nih 3-0 in teinak an hmuh. Teinak an hmuh hnu ah Neymar le RB Leipzig defender Marcel Halstenberg cu an angki an i thleng. Angki thlen konghe pehtlaiin thawngzamhnak thatein zulhphung an rak tuah cang ti asi.

Tuthla hramthok ah zulhphung an rak tuahmi ah Bawlung a chuihmi vialte hna nih tulio zawtnak konghe pehtlaiin ahohmanh nan angki nan i thleng lai lo, Angki thlen hi nan i sum bak lai tiah thanhnak an rak tuah cang. Asinain tutan ah Neymar cu angki an i thleng.

Phung le lam an tuahmi ahcun Neymar hi phungkalh in a um ruangah UEFA nih dantatnak an pek lai maw pe lai lo timi theih asi rih lo. Dantatnak an pek a si ahcun UEFA Champions League final ah Neymar cu a chuih lo kho mi asi tiah an chim.

Champions League chuih an thok hnu ahhin Neymar cu a cawlcangh attha ngaingai mi asi. Atlanta he Quater final an rak chuih lio zongah Neymar cu Man of The Match ah thimmi a si. Neymar cu a team caah cun abiapi taktak mi asi i, kum 28 te lawng asi rih. Tutan ah chuih lo dingin an kham taktak asi ahcun PSG caah cun vanchiat ngaingai asi lai.

Be the first to comment

Leave a Reply

Your email address will not be published.


*