ATTHA CHIN LENGMANG, AUNG LA NSANG BIACHIM UAR A UMTUK

Kan i ngeih taktak mi Kawlram patthawng Vawlei cung minthang Aung La Nsang le Rienner De Ridder cu thaizing an i phomh cang lai. Aralaimi thaizing an i phomhnak konghe pehtlaiin Aung La Nsang nih athlum tuk mi bia a chim. Aung La Nsang cabia cu lung hrimhrim a hmui taktak khi a si. Atang lei bangin Aung La Nsang nih a chim.

Nan dam cio hna maw? nan dihlak nan ngandam ko seh tiah thlaza kan campiak hna. Kawlram ah a ummi ka fan pawl nih ka Champion Taisawmh vennak puai nan zoh duh ahcun october ni 30 zaanlei suimilam 7 ah asi lai i, Skynet Sport 3 le Skynet Sport HD in rak zoh khawh asi lai. Cun Phone in zoh a duhmi hna nih One Championship timi official app le ONE Championship i official Youtube chanel in zoh khawh asi lai.

Atulio cu zawtnak a um lio a si caah nan ngandamnak dingah zawtnak akarh nak hnga lo mibu in zoh lo ding, cun i velhnak puai a si caah thinphannak a chuak kho mi asi caah kum a upa cang mi le lung lei zawtnak angeimi hna rak i ralrin dingin forhfial kan duh hna, nan ka dirpinak le thaazaang nan kan pekmi cungah kai lawmtuk tiah a chim.

Thawngttha Taktak: Miphun Party CNLD caah cun thawngpang ttha taktak a chuak cang. Kalay peng UDP Party pawl nih cun CNLD ah mee an pek lai tiah theih asi. Hi konghe pehtlaiin UDP Party pawl cu UEC nih thimnak nan lut lai tiah a kham hna. Curuangah UDP party chungtel hna nih cun CNLD ah vote kan pek lai tiah an chim ti asi.

UDP Party chungtel hna hi Kalay peng ahcun minung thong sawmli le thongriat an um hna.Cun Tamu Myone ah hin minung thongkul le thonghnih hrawnghrang chungtel an um rih ti asi. Kalay peng he Tamu he UDP party chungtel vun fonh tik ah hin an dih lak in minung thong sawmsarih hrawnghrang an si hna ti asi.UDP party pawl nih CNLD ah vote an pek lai ti asi i, CNLD ah vote a pe dingmi hi a cunglei vun langhter cang bangin minung thong sawmsarih hrawnghrang an si lai tinak asi. Culawng siloin hi konghe pehtlaiin Kalay peng UDP Party lutlai Pu Hung Thanh nih a chimmi cu kannih cu CNLD ah mee kan ko lai.

CNLD ah vote kan thlak lai ruangah CNLD chungtel kan sinak cu asi lo. Sihmanhsehlaw Kalay peng UDP Party chungtel vialte kan i ceihmai hnu ah kannih cu CNLD kan bawmh hna lai tiin lungtlin hnatlaknak kan ngei tiah a chim. Hi kong tthiamtthiam he pehtlaiin a ralaimi thaizing ah hin CNLD upa hna le Kalay peng UDP upa hna cu rawldumnak zong an ngei lai tiah theih asi.

Hi konghe pehtlaiin Kalay peng CNLD party lutlai Pu Lian Nawn nih hitihin a chim. Kalay peng UDP Party lutlai Pu Hung Thanh nih hin CNLD hi thaazaang akan pek ngaingai mi asi. Tutan thimnak ah UDP Party chungtel asimi kawl pawl hna nih cun USDP ah vote an pek men ko lai. Asinain kanmah Chinmi nih cun CNLD ah vote aa kan pek lai tiah a chim.

Be the first to comment

Leave a Reply

Your email address will not be published.


*