A SUNG NAIN CONOR NIH A HMUHMI TANGKA CU A TAM KHO TAKTAK KHI ASI

Poirier nih teinak ahmuh nain Conor nih tangka a hmuhmi cu atam ngaingai. Conor McGregor nih a hmuh dingmi tangka konghe pehtlaiin UFC nih an pek mi hi atam ngaingai. Conor aa thuatnak lawngah an pekmi hi $5m hrawnghrang asi tiah an chim. Cun PPV in tangka alutmi vialte he vun tuak tikah Conor nih ahmuh dingmi tangka dihlak hi $20m hrawng asi lai tiah an langhter. Teinak ahmumi Poirier tu hi cu Conor nih a hmuhmi cheukhat hrawng asi lai tiah an zumh.

Dustin Poirier shocks Conor McGregor with second-round TKO at UFC 257 |  DAZN News Ireland

Tutan ah teinak ahmumi Poirier nih a timi cu ka lawm ngaingai ko. Asinain khuaruahhar cu asi ka ti lo. Conor nih a result hi professional tein a cohlan ko. Voikhat veve kan i tei cang i, kan i tthuat tthan zong ahau te khomi asi tiah alanghter. Tuan lio an rak i tthuat ah Conor nih a rak teimi asi. Tutan ahcun kan theihcio bangin Poirier nih avun tei ve i, voikhat veve an i teinak asi.

Dustin Poirier blasts Conor McGregor in Abu Dhabi to plot new UFC title  shot | UFC | The Guardian

Hi kong tutan an i phomhnak konghe pehtlaiin Conor nih a ti vemi cu caan saupi chung kai dinhnak kha tein a vun har deuh ko. Ka duh ning bantukin ka hna angam kho lo. Hi bantuk UFC ah hin rak cawlcangh lengmang ahau ko tiah a ti ve. Tutiang ah a tthawng bikmi Khabib a vun i langh ti lo tikah lightweight ah a ttha bik mi cu Poirier hi asi ko cang ti asi. Gaethje vun ti tikah Poirier nih fawituk in a rak teimi asi.

Khabib a vun i langh tthan asi ahcun an i tong te men lai tiah an zumh. Round khatnak an i phomh ah khan cun Conor nih a tei deuh ngaingai, amih zong amih pah. Asinain Round hnihnak ah Conor cu a sung ruangmang. Minung tampi nih cun Conor nih atei ko lai tiah ruah dih asi. Sihmanhsehlaw Poirier kha a rak i timhtuahning a ttha timi afiang. Atu voikhat veve an i tei cang i, a voithumnak zong an i phomh te lai tiah an zumh.

Thawngpang Dang:US Capitol ah buainak biapi thil lianngan atuahtu chungah aitel vemi Q Shaman cu ngeihchihnak in a khat cang. QAnon Shaman tiah theihmi US Capitol luhchuahnak i, buainak an tuah lio ah khuaruahhar taktak thil aa thuammi Jacob Anthony Chansley cu buainak ruangah tazacuai asi. Hi konghe pehtlaiin a sihni Albert Watkins nih atimi cu President Donald Trump nih a hlan ruangah US Capitol buainak ah aitelmi asi i, amah zong ngeihchihnak in akhat tiah a chim. Kan president nih amah dirkamhtu hna nih Capitol panh dingin forhfialnak atuah i, amah hrimhrim zong kal ve dingin a rak chimmi kha khuaruahhar ngai cu asi ko tiah Jacob Anthony Chansley i asihni Albert Watkins nih a chim chih.

Q Shaman cu luhnak nawl onh lonak hmun Capitol grounds, Washington DC ah thaazaang hmangin a luh ruang ah siseh, ningcang loin a um caah tazacuai asi.Atu zong hi Arizona thonginn chungah khumh asi tiah an chim. Jacob Anthony Chansley hi ngaithiam dingin Donald Trump sin ah nawlnak atuah nain Donald Trump nih president attuan chungah Capitol buainak he pehtlaiin thongthlak mi hna cu ahohmanh angaihthiam mi an um lo ti asi. Jacob Anthony Chansley hi aliamcia kum 1988 kum ah a chuak mi asi i, QAnon Shaman, Q Shaman le Yellowstone Wolf tiah min ai bunhmi asi.

Minta ai timi zong asi rih. Nai US Capitol buainak ah khan hmaisuang ah adirmi chungah aitel mi asi. Culawng siloin President Donald Trump adirkamh taktak mi pa zong asi. Amah hi January ni 9 ah khan tazacuai asi i, thongah thlak asi hnu ah atubantuk in angaichih nak hi asi. Hi konghe pehtlaiin amah nih a chim ve mi cu Donald Trump biachim ruangah biachahnak hman lo ka rak tuah sualmi asi tiah a chim.

Be the first to comment

Leave a Reply

Your email address will not be published.


*