A CELH BAK LO, NEYMAR A LUNGFAK TUK HRINGHRAN APHUAN DIH

Vawleicung bawlung chuihthiam minthang Neymar cu a lungfah a celh hrimhrim lo. Alung a runh ngamsam ko. Brazil thiamhlei sang le PSG Arfi a simi Neymar Jr cu Marslli player pakhat Alvaro nih Monkey/Black tiah a auh ruangah Neymar Jr cu a celh hrimhrim lo. Biatak tein vawleipi theih in alungfahnak a phuan dih cang ti asi. Thil sining cu a tanglei bantukin an si hna.

A liamcia September Ni 13 ah khan Frenh Ligue 1 cu pehzulh asi i, cu ahcun PSG le Marselli cu celhtual ah an i cil hna. PSG le Marselli hi an i ton lonak caan a sau ngaingai cang. An i ton lonak hi aliamcia kum 2014 in khan arak si cang. Tutan an chuih hi a voikhatnak khan asi. Hi puai ah a zohmi nih cun kan theih dih hna lai timi ruahnak a um.

PSG nih fawite in an tei kho ve lem hna lo. Fulltime an chuih ah PSG nih kawlkhat zero in Marselli cu an tei hna. Hi an chuih lio hi abuai taktak khi a si. Tulio ahcun a buaibik mi puai ti zong kawh auh a si. Yellow card a hmumi hna kha an dih lak in minung 14 an si. Culawng siloin Red card pekmi zong minung 5 bak te an si hna.

Theihcia le zohcio bangin Red card pek mi chungah Neymar zong ai tel ve. Neymar red card a hmuhnak cu phundang ngaingai asi. An chuih cuahmah lio ah Alvaro nih Neymar cu miphun nihsawh thlanglamh in biachiakha ngaiin a ti caah Neymar cu athin hun celh lo ah Alvaro cu alu ah abengh. Cucu VAR nih a tleih i Neymar cu Red card an pek.

Hi konghe pehtlaiin Alvaro nih Neymar nihsawh thlanglamh tihramnak bantukin a twitter ah thil apost. Cu a thlahmi ahcun minak pawl he hman an rak thlakpi lio hmanthlak atar. Curuangah Neymar zong nih Social media kip ah alungfahnak vialte alanghter ve. Neymar nih thil sining a chimmi cu atanglei bantuk in hin a si.

Keimah cu minak ka si timi hi kai theih tuk. Cun kapa zong minak asi ka theih rih. Culawng siloin ka pu zong minak asi tihi ka theih fawn. Sihmanhsehlaw minak ka si ruangah hin minung ka silo tinak asi hlei lo. Lente celhnak ahcun minak siseh mirang siseh kan i khat dih. Nai kan puai ah khan Racism phun in aka ti.

Cu kong cu Referee sin ah thatein ka chim dih ko. Sihmanhsehlaw zeihmanh san atlai tilo. Mihrut le hawi atluk lomi lawng nih miphun vun rong kongah mi anih sawhmi hna an si ko cu tiah Neymar nih fak ngaiin a tthuat ve. Tulio hna ah hibantuk biachim ahmang mi hi hawi atluk lomi mihrut lawngte an si tiah cei nawn in a tongh ve.

Be the first to comment

Leave a Reply

Your email address will not be published.


*