Ka Nu Cancer In A Zawt Lio Ah Pathian Ka Challenge

Tangkua tanghra ka kai lio ah ka nu kha cancer in a dam lo i, India khuali pi ah a va piah, Ka nu Cancer in a zaw ti ka thei tik ah ka nuam lo tuk, Azawtnak kha sit thumnak a si cang i a saubik thlathum leng a nung ti lai lo tiah ka rak theih, Hohmah nih ka nu a dam lonak kong kha an rak ka chim lo. Khati Ka nu a sau bik thlathum long a nung cang lai ti ka theih tik ah ka lung tha lo tuk thil ka tinh ning in akal khawh ttung lai lo ka nu ahiti a dam lo cun ka ti. Siangin ka kai lio sitik ah ca zong ka rak zoh kho lo. Siangin kai sawng um cu, Ca zoh lio caan ah ka mitku i, ih can a phak tik ah ka hngilh kho lo i ka it kho hawi lo, a rak har taktak.

Ka hngilh khawh lo tik a ih khun cungah keimah te long in ka tuar, Ka hawi le zong ka chim ngam hna lo i keimah long in ka tap thla ka cam, Asawng um mi Ka hawi le an ih dih hnu ah Bible carelnak le thlacamnak ka ngei i Pathian Ka challenge, Pathian ka nu hi nunnak damnak pe law, Pathian nangmah nih na ka pek mi ka aw zai hmangin ka zuam ve lai i mipi lunglomh tertu le “alinYoung” Ceunak  caah ka hman lai tiah thla ka cam. Cutik ah ka nu cu tanghra ka dih kum ah dam tein inn aphan. Ka nuam in ka lawm tuk hringhren. Atu ah kanu cu a dam thiag dih cang ti cu a si lo chekup cu aa tuah lengmang rih caah cancer a sitik ah phaisa cu tam taktak adih.

Cucaah ka zuam cuahmah ko ka ti khawh tawk ka rian ah, ka sikhawh chungin ka zuam thluahmah ko. Benjamin Sum nih a nu thangthat ning cu aidawh tuk i cawn awk tlak si. BenBen nih ka nu bantuk hi vawlei cungah an tlawm lai an tam lai tiah ka ruah ko. Vawlei cungah ka nu bantuk nu tampi um hna seh ti ka va duh. Zeitik hmanh ah a thachia bal lo, Zeituk in adam lo lio, a lu sam atolh dih lio zongah inn zongah um lo in le tha chia lo in an tuah awk a herh mi poh cu a tuah dih i ka uar tuk i ka lunghmuih tuk, Ka nu dawtnak leiban hi cham timh zongah chawm khawh pvun a si lo caah, Ka nu lunglomh ter kha ka timh mi cu asi.Video hika hi hmet

Be the first to comment

Leave a Reply

Your email address will not be published.


*