ZUU THAWL HE LAMKAM RILHNAK IN BIBLE I TLEIH VE TTUNG I, PATHIAN HE…

Ngai Tuah Uh, Cawnpiaktu Saya Hna: Zuu thawl i tlaih i Lam pawngah tluk nak in Baibal ca i tlaih ve ko ttung i Pathian he i pial kanh hi ttih a nung deuh. Baibal hi phun hnih in sullam a ngei. Thlarau in a rel mi caah cun aa hung mi Baibal ( Open Book) a si i, fimnak in a rel mi caah cun aa khar mi Baibal ( Close Book) a si. Phun dang in chim ahcun Baibal cafang chungah Pathian nih a sullam a thuh. Thuhmi thil cu a man a sunglawi tuk ee.

Kei cu zumtu ka si caah Pathian hmai ah ka sunglawi tuk. Cucaah Pa Pathian nih Khrih chungah a ka thuh mipa ka si. Khrih chungin ka nung. Krih chungin ka nung timi nak hmanh in Khrih chungin amah Khrih Lila nih a ka nun piak deuh. Cuti i Khrih nih a ka nun piak tik lawngah Khrih cu ka zeizong vialte a si ka ti khawh. Oneness chungah ka nung lo. Trinity chungah ka nung lo.

Khrih chungah ka nung. Jesuh dawtnak le Khrih dawtnak cu an i dang. Jesuh dawtnak cu a lenglei mit in hmuh khawh mi kha a rak si. Khrih dawtnak cu chunglei mit in hmuh khawh lomi asi. Pa Pathian dawtnak le Khrih dawtnak zong an i dang rih ee. Dawtnak lawngte an si ko nain a chanchan in chan thum chungah a hmunhma an i dan bantukin an rian ttuan ning zong aa dang liangluang ko.

Zumtu taktak cu Khrih chungah a nung. Khrih chung i nun hi Pathian nih vawlei kan nun chungah a kan timhpiak mi hmun le dirhmun sang bik a si. Zumtu mi kan ke lamhnak kan cawlcanghnak cu Khrih chungin ai thawk. Pathian cu chunglei in lenglei ah rian a ttuan. Satan cu lenglei in chunglei ah luh ai tim. Cucaah lenglei in chim cu ngol cang tuah. Satan nih ka kawi an ti tual lai. Credit: Salai Tin Maung Win

Thawngpang dang: Tonzaang Peng Cikha ah COVID-19 bantuk zawtnak a chuak, Chinland FC nih laakhruak thlopbulnak thilri bawmh. Chin Ramkulh Chaklei le India (Mizoram) ramri Tonzaang Peng Cikha khua ah COVID-19 bantuk zawtnak (thawdawp har zawtnak phun khat) a chuak i Chinland FC ngeitu Believers Church Arch Bishop Dr. CK No Chhum, President NC Thawng Tha Thang @ Saya TT le an hawile nih laakhruak in mizaw thlopnak thilri an bawmh hna, tiah kan theih.

Hi laakhruak mizaw thlopnak thilri hi Oxygen Concentrator, meiseh le a herh mi thilri dangdang hna an si. Mizaw hi khuate lei tel loin minung 100 hrawng an si. Cikha ah hin Circuit Hospital ti mi Taihne Sii-inn lawng a um ca ah mizaw thlopnak ah thilri tampi a chambau pin ah Oxygen hi a herh bik mi a si fawn.Chinland FC nih COVID-19 lio ah Tedim, Thantlang, le Hakha ah siseh, hmun dangdang um mi sin ah siseh, ngandamnak thilri voi tampi a rak bawmh bal cang hna.Cikha mizaw hna ca zong ah pehzulh in bawmhnak pek a timh. Pekchanhnak in tel a duh ve mi nih Chinland FC ah pehtlaih khawh a si. Tonzaang Peng hi MRTV zong nih May 29 in lengchuah lo ding (Stay at Home) tiah May 28 zaan ah a thanh mi a si. Credit: The Hakha Times.

Be the first to comment

Leave a Reply

Your email address will not be published.


*