THLUAI NU NIH TEHTE A KHAN MI A TTHATUK HRINGHRAN EE

Hawi le hna nan sin ah tehte khan ka duh mi te a um ee. Mah cu cu tuzaan ah thinglung kekkuai bu in mitthil he Pathian sin ah biatak tein thla ka cam i ka cam lio pi ah ka thinlung ah bia a ra mi cu Pathian nih kan thinlung a kan hal. Zeizong vialte nak in Pathian nih kan thinlung hi a duh cem.Kan thinlung chung ah amah lawng lawng nih hmunhma lak a duh. Zei bantuk thil hmanh he kemh ti a duh lo.

Kan kemh ti chung poah cu Bawipa nih hmunhma a la kho tak tak lai lo ti hi asi. Cuaah u le nau hna Pathian hi kan thinlung dihlak kan pe kho maw. Kan bochan ngam maw? Pathian nak in duh deuh mi thil kan ngei sual maw?Pathian nih akan dawt tluk in Pathian hi kan daw kho taktak ve maw u le nau ruah caan a cu cang lo maw?

Bawipa nih fiangnak kan pe ko seh. Thla ka cam khawh in ka thu i ka nunnak ah bible ca cang a ra mi cu Mathai 5, 6 tiin a si ,zei ca cang a si ti ka thei lo i Bible ka van kau tik ah ka hmuh mi cu Matthai 5:6 -Pathian duhnak tuah kha nan duhnak ngan bik i achiami cu lunglawmmi nan va si dah. Pathian nih nan duhnak cu atlinter lai. Amen. Bawipa nih Sunparnak co ko seh. Credit: Sang Thluai

Relchih Hrimhrim Atthatuk: Nihin Caah Pathian Bia (The Word of God for Today). A Biakinn Thiang A Tlaihchanmi Cu: Sam 84: 10 Na biakinn thiang chung ah ni khat um cu hmun dang i ni thongkhat umnak in a tha deuh. Mithalomi hna inn i um nak cun Pathian inn kutka hram dir hmanh ka duh deuh. Hlan lio Israelmi hna caah cun Jerusalem i biakinn kha an Pathian umnak asi caah an tlaihchan tuk.

Annih caah cun Biakinn tlaihchan kha Jehovah tlaihchan he ai khat i biakinn dawt kha an Pathian dawt he ai khat. Biakinn i va um cu Pathian sin um bantuk asi. Cucaah Korah nih mah Sam 84:10 i hiti atinak hi asi. Kanmah pawl hla kan phuah sawh bantuk in a phuah lo, a thinlung dih lak in a phuah. Pathian bochan le Amah biak le thangthat hi zeitluk in dah a that i san a tlaih ti hngalh fiannak ah atang lei asi takmi kong hi thaten rel rih hmanh.

Americaram i George Town khua sizungah Ton Long cu nam in sawh a ton caah ai thlop.A lung, a paw le a laa ah an sawh. Vawisarih operation an tuah na in athi lo. Amahbel,a hma kha kum khat ah a dam kho thlu lo. Nikhat cu sibawi cawng lio sianghnakchia le sibawi thiam an ra i an zoh, an chek. An khuaruah a har.A lung hi tluk an hliam ko bu ah zeitindah a nun khawh ti an i ceih.

Mr. Long nih, ” Pathian thawng in asi ko hen cu” avan ti hna cu daithep an um. Cule cangka sibawi hna nih bia an khiah i an hna a tla. Pathian zumh le zawt damnak ai pehtlaih ning kan dothlat (research) kan tuah lai an ti. Sau ialte an tuah taktak. Anehhnu ah atanglei hi an hmuh chuahmi asi. Pathian ai bochan le biakinn pumh a huammi hna cu 1. An chan a sau. 2. An lung ai lawm. 3. An zawt zongah an dam ol deuh.

Zarh khat vawi khat biakinnah tlolh lo in ai pum pengmi hna cu vuaktlak i zoh tikah kum 7 in an chan a sau deuh. Minung 20000 an ton hna i bia an halmi hna in an hmuhmi asi. An chan sau pinah lungzawtnak an ngei tlawm deuh ving. Indiaram i an hmuhmi ah cun zarh chiar ai pum mi cu lungzawtnak an ngei lo ti asi ko.

Kan Bawipa nih hin minung hi a kan dawt tuk. Cucaah a herh lomi a kan fial lo. Covid a dihcun biakinn pumh tang usih. Thangthat ke thlacam le thawngtha ngaihah i biatak usih. Covid lio caan zongah chungkhar pumh hi daithlanh hlah usih. Zarhpini ah pumhnak tuah usilaw, zan chiar asi lo zongah zarh khat zaan thum tal cu tawiten chungkhar hlasak, Baibal rel le thlacam tinak in caan hmang usih. Korah bantuk in biakinn a tlaih chanmi si usih.

Atu kan chan ahcun lungtak in kan i pumh i Pathian kan biaknak hmun paoh hi biakinn an si ko. Kan thlam le kan milengkhan hna zong hi Bawipa he kan i hawikomhnak an si ko. Bawipa nih a thar in kan thinlungah abia in kan cawnpiak ko seh. Amen, Na share la loh ti ka phang. Amahbel rian lim men ah si lo in siaherhnak he share usih. Credit: Thio Za ( Dr. Za Thio)

Be the first to comment

Leave a Reply

Your email address will not be published.


*