REV DR G ZA THIO: DUH PAOH I MI SAWI HI A TTHA LO, KAN DONGHNAK LEI A BIAPI

Kan Donghnak Lei Hi A Biapi,Cucaah Duhpaoh I Mi Sawi Hi A Tha Lo,Rom.14: 13. Pakhat le pakhat bia i ceih hlah usih. Jeim 4: 12, Midang biaceihtu dingah nangmah cu ahodah na si? Atucu thim lai asi i ralrin ngai kan hau.Duh paoh i mikong a tialmi an tam tuk. Mi bia raltha ngai i a ceihmngammi an tlawm lo. Facebook rel tikah ngaihchia zong asi pah, thinhun ding zong ai tel len tawn.

Atanglei minung pathum kong hi tawiten ka tar lai. Thaten rel i zuam.Pakhatnak : Nainnganzi ah mithalo hna he a rak i kom. Nupi pahnih a ngei bal. Kuak thlah lo in a zu. Pahnihnak: Zung rian in voi hnih an chuah. Zanlei tiang ih a hmang. College kai lio ah bing a zu. Zanlei chiar zuu a ding. Pathumnak: Ral doh nakah mi kutrit a thiam tuk. An ram aazani pakhat asi. Tisik anhnah lawng a ei. Zu le kuak a tawng lo. A nupi cungah a rak fel ngai. Zuksuai zong a thiam.

Afiang ko, mee pek siseh law pathumnak nih a hui ko lai. Ahoh thla an si ti kan van bih ta lai.Mizeidah an si ti kan zoh rih lai. Pakhatnak pa cu Americaram an president 32nak asimi, Franklin Roosevelt asi. Pahnihnakpa cu Englandram Wancichouh minthang tukmi Winston Churchil asi. Pathumnak pa cu a nehhnu ah a tuanbia a chia taktakmi German ram a rak hruaitu Adolf Hitler asi ko hme cu.

Mah kong zoh in cawnding kan ngei. Pakhatnak: na lung dong hlah. Nai remh kho. Na tha than kho. Paul zong lainawng ah telh khawh a rak si nain lamkaltu min thang cem ah Pathian nih a thlen ko. Pahnihnak: An ziaza thing kha thingfung tlaih in i tlaih i sawi le sel le puh peng cu a tha tawn lo, an donghnak zei an si lai hi Bawipa lawng nih a hngalh. Cucaah zumtu nih cun kan duh paoh in mi hi bia kan ceih len hna ding asi lo.

Atanglei Pathian bia te hi rel rih hmanh. Cucaah maw mipa, aho na si zongah , midang bia a ceihtu nangmah zong silhnalh khawhnak zdihmanh na ngei lo. Zeicahtiah midang bia na ceih hna tikah an bia a ceihtu nangmah nih an
tuahmi kha na tuah ve caah nangmah le nangmah sual nai phawt asi ko. Rom.2:1 Atu hi thimnak a nai tuk cang.

Mah tikah zumtu kan rian biapi cem cu Pathian sin thlacam hi asi. Ai cuhmi hna sawi tuk le a tha lo zawng in kong ceih tuk hi Thiang Thlarauna ngaih kan chiatter sual lai. Kan lung a fiang cio ko lai. Atu kan si lio nak in kan donghnak hi a biapi deuh mi asi caah tuan tuk i mi sawi le mi bia va ceih cu i sum hna usih tiah kan sawm hna. Atha na ti le hawidang zong nih rak thei ve hna seh. Cucaah : Share rih ko. Credit: Rev Dr, G Zathio

 

Be the first to comment

Leave a Reply

Your email address will not be published.


*