PATHIAN NIH KAWLRAM KONG A HMUHTER MI CU AMAK KHOTUK

Kan Ram Kongah Bawipa Nih Aa Ka Hmuhter Mi Hna: Pakhatnak. 2000 kum thar zanah, BAWIPA nih Mang a ka pek. Ka Mang ahcun, kan ih nak ah Kawl nu hi a rak ra i, a kut in a ka sawh i, Nan khamhtu a țum cang! Nan khamhtu a țum cang,” tiah a ka ti i a let i a kir țhan. Asiaherh tuk i a hun i mer țhan; a ka thawh than i, Nan Khamhtu a țum cang, tiah a ka chimh țhan! Cun a kut dong cun Van khi a sawh i, MESSIAH cu, tiah a au!

Hi ka Mang hi kum 12 hnu 2012 ah THIANG THLARAU nih hrilh fiah a ka peek! David le Josep bantukin Chinmi/ Laimi caah BAWIPA nih timhpiakmi le khuakhannak țha a kan ngeihpiak i a kum le a caan zawng a ruah cia dihmi a si. 2020 hincun Chinmi/ Laimi Thluachuah hmuhnak ding caan a phan ve cang. Zeitindah cu Thluachuah cu a rat lai le kan hmuh lai cu ka hngal lo. Sihmanhselaw, Kan KHAMHTU MESSIAH a ratnak a si ko caah, thlarau lei khamhnak le luatnak chu a si hrimhrim ko lai. KHAMHTU MESSIAH rat hi Bible i JESUH voihnih ratnak si loin, a hleiin Chinmi/ Laimi luatnak caah a si ko lai.

Pahnihnak. Kum 2002 January ni 1 kum thar niin, Evan. Za Kian le Saya Ral Lian Kam tiin Congthia khua Baptist quarter ah ni 16 rawlulhin thla kan rak cam. January 24 in Congthia Thlacamnak Horeb tlangcungah ram le miphun caah rawlulh a voikhatnak minung 111 nih ni 3 kan rak cam. Cu hnu cun kum fatin peh zulh a hung si.Ni 16 rawl kan ulh lio ahhin ni 4nak le ni 16nak ni ah BAWIPA nih hla fungkhat veve a ka pek!

Cun ni 13 zanah Mangin vision a ka pek. Ka mang ahcun, khuachia nganpi a nak dihmi King kong tlukin a nganmi pi he khin hmunrawn kaupi ahkhin kan i dir onh.Hriamnam le kut le ke si loin. Power tu in kan i doh. Chikhatte ah ka tei i ka Power nihcun hnahchawl thlipi nih a chawih bantuk khin lo vur mar a chawih i a lo!Cu tlawm pal ahcun, hmunrawn kaupi thiamthiam ahcun, a dang Khuachia tuan deuh khuachia he a lo ngaimi, an hmet ngan zong a tia hrawngmi hi ka hmuh țhan.

Cakei te hna an chiahnak thirbawm inn chungah khin, khumh a si caah a chuak kho lo. A thinhung tuk i, thirbawm innchung bite ahcun, thinhung ngaikhin hehtiah aa chok! Thirbawm innchung ah khumh a si caah, a lengah a chuak kho lo.Ticun hmasa khuachia he kan i doh bantuk khan kan i dir onh țhan i kan Power in kan i doh. Thirbawm innchungah khumh a si cang nain hmasa khuachia nak khan let tamtukin a Power a țhawng i a chak! Cucaah a Power nihcun a ka iapthluahmah i ka pum cu a hun i hnin i a tlu lai bantuk khin ka puur thluahmah ko!

Cuti ka puur chuahmah lio ahcun ka hnu leiin țhawnnak Power adang an hun ka chap! BAWIPA PATHIAN sinin a rami THLARAU țhawnnak a si. Cu Țhawnnak an hun ka chap le cangka cun ka Power nihcun a hun iap thluahmah ve i tlawmpal ahcun khuachia pi cu Ar ah a hung i cang! Ar ah a hun i can hnu cun, ol tukin tuandeuh khuachia lo vurmar i ka Power nih a chawih bantuk khan lo vurmar in ka Power nihcun a chawih i a lo ko!

A pakhatnak khuachia cu thohhlanzi pennak kha a si i 2006 ah duak tiah an lo dih ko kha! A pahnihnak khuachia cu a tu i hi si dawh a si. Hihi philh hlah u, zeitluk hmanhin țhawnghmanh selaw thirbawm innchungah erhkhumh a si ko kha philh hlah. Mipi fahnak an pe kho ti lai lo. Cun, țhawnnak a dang a rami hmangin tei a site ko lai kha philh hlah. Tei an sitik ahcun thohhlanzi pennak bantukin a loh in an lo ve ko lai.

Pathumnak. 2008 sandah an piah lio i ralkap pawl nih phungki pawl hna an thi chuak dih lak i an rak vuak lio ahkhan Mang ka manh țhan. Ka mang ahcun, inn nganpi, hall chungah khin, ralkap bawi lawngte an thuam tlingtein aa thuam i pistol a thlaih dihmi minung 30 /40 hrawng an dir i khatleiah a raang dengmi beel rawng bantuk angki le bawngbi aa hrukmi bawi upa pawl hi ralkap pawl he hmai tonin an dir cu ka hmuh. Ralkap bawi pawlnak in khat lei bawi upa pawl cu an tam deuh.

Hmaitonh i an i dir onh lio ahcun, ralkap bawi a lu bik le bawi upa a lu bik cu thil pakhat khat kong ahhin bia an i ruah i an i el pah. An bia a hung sang chin lengmang i daaikho loin faak chin lengmang in an hun i el! Ralkap bawi bik pa nihcun a pistol cu a chuah zau i a pumah a kah! Khat lei bawi upa pawl cu a leng zohnak cun zei hriamnam hmanh an i ken a lang lo. Asinain an pang chungah hin pistol an rak i pawi dih ve. An pistol bawm cu a raangmi a si.

Khatlei bawi upa bik nihcun, ” na ka kah tih,” a ti i a angki a hliim zau i a pang i a nawhmi a pistol cu aa chuah ve i ralkap bawibik pa cu a kah ve. Cu ticun khat lei le khat lei cu an i kapthat dih in ka hmuh hna! Hi ahhin nu ka hmu hna lo, pa lawngte an si. 4. 2002 kum thokin TZU/DGM țawlreelnakin Chinram caah kumkhat voikhat lengmang tal ni 3 rawlulh thlacamnak kan ngei lengmang tawn. Pumpak thlacamnak cun Myanmar ram le vawlei pumpi caah kan cam tawn ko hna.

Sihmanhselaw Myanmar ram le kawl pawl caah a hlei tein rawlulh thlacamnak hi a buin kan ngei bal theng lo. ( Ka dang hmun dang ahcun an um men ko lai ). 2008 ah Rev. Dr. Van Ram Uk țhithruainak in Myanmar ram chhiatserh a cahnak caah tiin Hakha CCF Centre ah minung 700/800 hrawng nih ni 3 rawlulh in thla kan rak cam. 2012 ah khan Thiang Thlarau lam hruainak in minung 43 nih Hakha CCF Centre ah Myanmar ram thlarau lei thanghnak ca hrimhrim ni 3 rawlulh thlacam kan rak ngei.

Hi lio ahhin, a nihnihnak deilei ahkhin, mang silo, vision khin, kan thlacamnak inn donhhlei cungah ka dir lio kaa hmu. Donhhlei cungah cun ka dir i ka orhlei kut in meicher a alh liomi kaa put. Ka Orhlei kut i a ummi Meicher a alh lio mi cu Van lei ah ka hler i, Zohmanh uh, teinak mei hi zeitluk indah a dawh, tiah mipi hmai ah ka au len lio cu kaa hmu, Myanmar ramah thlarau tthanghnak a tlungte lai tiah Bawipa ka zumh.

Panganak. 2020 Oct thla, thim hlan deuh ah mang ka manh tthan. Ka mang ahcun Aung San Suu Kyi ruahnak cheu kho ding khi ka va si. Cun ka ruahnak cheuh ding cu Suu Kyi nih a theih a harhmi khi a va si. Aung Saan Suu Kyi cu angki raang, a panmi te a hun i hruk i a rak ka fuh. Ram kong ka siaherhmi vialte ka lung i a ummi vialte tling cikcekin ka ruah dih. Sihmanhsehlaw mang kan ti cu zeibia hna dah ka ruah ka thei awn hna lo.

Asinain ka thinlung i a ummi paoh cu ka ruah dih ko. Ram kong ka ruah dih ahcun hi tluk caan ttha hi a paam tuk tiah ka ruah i, a donghnak bikah Khrihfa Bible Johan 2:16 hi na va rel hrimhrim lai tiah ka chimh. Suu Kyi hi a hrintthannak hnga thla ka campiak lengmang ve cang. Chinram le Myanmar ram le USA ram hi a hlei in a tu lio caan ah hin BAWIPA mit aa fut lio si caah, Thlacam daithlang loin thlarau lei tthanghnak le ram damnak caah BAWIPA au chin lengmang ko hna usih.

BAWIPA aa bochan mi hna le ram dawtu hna nan thinphang hlah seh. Jer 29:11 hi nikum le tukum ah BAWIPA le tukum ah Bible Bia asi. BAWIPA nih in hup pheeng ko hna seh. Isaiah 45:7 bantukin, Ceunak le Thluachuahnak nan cungah tlung ko seh. Sihmanhsehlaw PATHIAN zei i a rel lo i khuachia he a ttangttimi hna cungah cun Muihnak le Vanchiatnak nih a tlun hnawh ve hna lai. Josep thluachuah le David thluachuah cu hmu ko u Amen. By Apostle Tluang Lian ( Martar).

Be the first to comment

Leave a Reply

Your email address will not be published.


*