PATHIAN NA THEIH LONAK ALANGHTERTU HMELCHUNHNAK HNA

Pathian Na Theihlonak Alanghtertu Hmelchunhnak Hna: 1. Na hmur nai bo peng i nai lawmh khawh lomi hi Pathian na theih lonaak a langhnaak pakhat cu asi. 2. Atu le atu na thin a hun lengmang i na vuivai pengmi zonghi Pathian na theihlonaak a langhtertu pakhat asi. 3. Na sining i na lung a awi khawh lomi hi Pathian na theihlonaak aruang pakhat asi.

Palinak. Thlacam na zuam lomi le mah thinlung tein thla na cam bal lomi hi Pathian na theihlonaak hmelchunhnaak asi. 5. Phorhlawt, ruamkai na hman rihmi hi Pathian kha na hna lawngin na theih caah asi. 6. Hawi nak sang in nangmah le nangmah nai hmuh peng rihmi hi Pathian theihnaak na chambau rih caah asi. 7. Bibleca rel na zuam lomi le Bible theih-duhnaak na ngeih lomi hi Pathian dawtnaak aw thlum na teh rih lo caah asi.

Pariatnak. Thawhlawm tlawmte lawng na peek lengmang mihi Pathian asining na theih tthi-ttha lo caah asi. 9.Cawnpiak nai nautat rihmi hi Pathian theihnaak kong he pehtlai in na si a rak fah tuk rih caah asi. 10. Khua caan i i pumh, khua caan i i pumh lo, na hmanmi hi na chung ah Thiang Thlarau nih hmunhma reprap a ngeih rih lo caah asi.11. Phone lawngte na zoh i zeidang rian vialte na tlawlh dihmi hi Pathian na theih lo caah asi.

Hleihnihnak. Na tha a thut tukmi hi Pathian na theih lo caah asi. 13. Nu le pa, u le nau na dawt dingmi tlukin na dawt lomi hna zonghi na Pathian theih ning a ngan a dam lo caah asi. 14. Mah dawt lawng na duh peng rih i, nangmah nih mi va dawt ve nai timh bal lo zonghi Pathian theih lonaak in a arami sining asi.15. Hmuh lei lawngte nai timh peng i, peek lei ah bochan awk na si ve lomi zonghi Pathian kha asining dik in na theih lo ruang ah asi.

Hleiruknak. Nan inchungkhar nan buai lengmang mihi Pathian nan theih lonaak nih a hrinmi tlaipaar asi. 17. na fale i Pathian an theih lo i an sual pengmi hi nu le pa nih Pathian nan theih lo caah asi.18. Pathian ram kauhnaak caah nai tel duh bak lomi hi Pathian na theih lo caah asi.19. COVID-19 in minung relcawklo an thih lio caan ah, nang, na nun rihmi kong ah nai lawmh khawh lomi hi Pathian na theih lo caah asi.20. Pathian rianttuantu hna zei i na rel hna lo zonghi Pathian na theih lo bia khi asi ko. Khuaruahhar ding a um lo. Credit: Aung Myint Thang

Be the first to comment

Leave a Reply

Your email address will not be published.


*