PATHIAN MANH TER MI MANG

Pathian Manhtermi Mang.Solomon cu aa hlau. Mang a si ai. Sihmanhsehlaw a mang cu Pathian nih a manhtermi a si i a manh bangin a tling taktak. Nihin ah Pathian cu na sinah a lang i, Zeidah ka pe seh ti na ka duhmi cu ka hal, tiah an ti ve. Solomon nih cun, Maw Bawipa ka Pathian, ka pa David umnak ah keimah cu siangpahrang ah na ka ser cang.

May be an image of one or more people, people standing and outdoors

Sihmanhsehlaw, ngakchia bantuk ko khi ka lawhter. Zeitin chuah awk ti le zeitin luh awk ti ka hngal lo. Mi tampi a rel hmanh rel cawk lomi uk ding ka ngei ttung.Cu caah keimah na salpa cu fimnak le hngalhnak ka pe law Nangmah na mi hna cu zeitin uk awk tinak ka hngalh nak lai, tiah a ti. Bawipa cu, Solomon nih fimnak a hal caah a lung a lawm i a hal lomi, rumnak, upatnak le nun saunak zong Pathian nih a pek chap.

May be an image of text that says "GOD IS FIGHTING YOUR BATTLES, ARRANGING THINGS IN YOUR FAVOR, MAKING A WAY EVEN WHEN YOU DON'T SEE A WAY."

Nihin kan Dohthlennak caah tiin Bawipa sin ah kan halmi hi fimnak a si ve ding a herh ko! Zeicahtiah Fimnak ngeih cu Bawipa tihzahnak in a luang mi nunnak cerhti a si. Ral hriamnam tha cu fimnak he kan hman lo ahcun miphun sifahnak petu, nihin Ral-lo-kap (MAL) pawl dirhmun khi kan si ve sual lai. Cun ralkapbu tampi sinak menmen nih teinak suiluchin a la kho fawn lai lo.

May be a cartoon of standing

Sihmanhsehlaw Bawipa sin in kan hmuhmi fimnak tu nih cun zeidah tuah ding le zeidah tuah lo ding timi chiatha thlendannak he lam a kan hruai lai i miphun caah dirkamhtu ralhruang le miphun luatnak petu nu saltha/ pa saltha ah Bawipa nih lam a kan hruai lai.Cu caah nihin ah kan manhmi mang cu minung saduhthahnak a si lo. Kan Pathian nih Amah pennak le dinnak hi vawlei ah a tlunnak ding caah mang a kan pekmi “Miphun Luatnak Lam” a si.

Dingthlu Lairel Pathian cu kan chiatha thleidannak petu le fimnak cu Amah hi a si. Bawipa ttih hi fim hram i thawk cu a si. Amah a ttihtu kha rawl in a cawm hna, bia aa kammi kha zeitikhmanh ah a philh lo. Maw Cinrung amah cu i bochan ko.A hmasa bik ah a herhmi cu fimnak hmuh hi a si; hngalhthiamnak kha na ngeihmi vialte na hloh dih ding a si zongah i cawk. (Phung 4:6)@siapiraldo, icaregenz, What is happening in Hakha, စစ်အာဏရှင်စနစ်ကျဆုံးပါစေ, RejectMilitaryCoup. Credit: Hakha Campaign For Justice.

Be the first to comment

Leave a Reply

Your email address will not be published.


*