NA KA DAW MAW? AI PUM KHO LOMI TAMPI AN UM LAI, CUCAAH SHARE VE

Na Ka Daw Maw? Baibal relding: Johan 21:15-19.Kan Cathiang chungah hin thil biapi le sullam ngeimi cu voi thum in chimkem le nawlh an si tawn. Isaiah dal ruknak zongah vancungmi nih Pathian kha, A thiang, a thiang, a thiang tiin an thangthatnak kong kan hmuh. Cathar chung hmanhah voi thum ai nawlhmi bia le biatlang an um len. Johan 21:15-19 chung ah Jesuh nih Peter kha Johan fapa Simon, na ka daw maw? tiah vawithum tiang a hal i Peter nih, Kan dawt cu na hngalh ko, tiah a lehnak kan hmuh.

Mah kong hi phungchimnak chim asi tawn. Tuzingah tawiten kan zoh hna lai.Peter nih Jesuh kha voi thum tiang a hlawt caah Jesuh nih voi thum tiang a hal ve ti ko usih. A hmasa le a voi hnihnak a hal ah khan Jesuh nih a hmanmi biafang cu AGAPE asi. Kan hngalh dih bang agape cu dawtnak timi biafang lak ah a sang bik asi. Pathian lawnglawng nih a ngeihmi dawtnak asi.

Peter nih a leh tikah AGAPE kha a hmang ngam lo. Filia ti biafang hmang in, Kan dawt cu na hngalh ko ati. Cucaah Jesuh nih a voi thumnak ah ‘Filia’ biafang hmang in Na ka daw maw? tiah ati. Khan Peter nih, Bawipa nangmah nih zeizong vialte na hngalh dih, kan dawt (filia) cu na hngalh ko hen cu, ati ( Johan 21:17). Mah kong ruat bu in atanglei kong ruat usih tiah kan sawm hna.

Pakhatnak. Peter nih Jesuh a hlaw nain Jesuh nih a hlaw lo. Peter a tah ruangmang i ai chirmi kha a hmuh. Cucaah a thawhthan zing zongah a zultu kha i tong ding in nu hna sin in bia a cah hna tikah midang min cu a chim lo Peter min cu a chim. A ka zultu hna le Peter kha, ati ( Mark 16:7). Peter nih ai theih tikah zeitluk in dek ai lawmh lai. 2. ” Simon, na ka daw maw?” atimi zoh tikah Jesuh nih hin amah daw lo bu i aturun zohkhenh hi a duh lo ti ai fiang.

Hihi ka ruahah ka ning a zak tawn. Jesuh Khrih daw hleng tung lo in pastor a tuanmi ka si maw? ti In bia kai hal tikah kai phuhrung. Kan ramah Pathian kan dawt ruangah si lo in pastor rian le evangelist rian kan duh ruangah Pathian riantuan i ai thawhmi kan si ahcun, Pathian lung kan tling ruam lai lo. Turun zaangfak tuk an si. 3. Jesuh kha Petet nih zapi hmaiah voi thum a hlawt caah Jesuh nih a hawile hmaiah voithum
khengte, Na ka daw maw? tiah a ti ve.

Pathian he kan i remthannak hi zapi nih theihpi a herh caan a um dawkaw ti i fian a herh. 4. Peter bia a hal hlanah Jesuh nih azultu hna kha ei awk a timhlamh piak hmasa hna. Nga le changreu a pek hna ( Johan 21:9,10). Rawltam bu le kan thazaang a der lio ah Bawipa nih a kan chimhring tawn lo. Peter kha a dawtnak a langhter hnu ah a chimhhrin i turun zohkhenh ding rian zong a fial.

Panganak. Kannih teh Jesuh nih Na ka daw maw? ti bia kan hal ve se law, Peter bang, Bawipa, nangmah nih zeizong vialte na hngalh dih, kan dawt cu na hngalh ko hen cu, tiah kan ti kho ve hnga maw? ( Johan 21:17). Pathian nih amah kan dawt le dawt lo hi a hngalh ko. Zumtu kan zate nih Bawipa kan dawt hi zeidang nak in a herh hmasami asi. Efesa khrihfabu kha Jesuh nih an cung i ai ngaihchiatnak bia a chimh hna.

Hmasa i na ka dawt bantuk khan na ka daw ti lo, ati ( Bia 2:4). Jesuh hi daw bute in Pathian a biami le a rian a tuanmi kan sinak lai mah capar tawi nih lam kan hruai ko seh. Amen. Ai pum kholomi an tam men lai. Cucaah SHARE ve hna mu. Credit: Rev. Dr. G. Za Thio

Be the first to comment

Leave a Reply

Your email address will not be published.


*