KUM 93 A SI CANGMI TARPA CU SIZUNG A UM MAN AZOH I A TTAP THLUAHMAH

Mah cabia hi athei cangmi zong nan um lai, Athei rih lomi hna caah hlawknak tampi a um lai timi ruahchannak he kan vun langhter ve. Rev. Malsawm Thang nih a ttialmi a rak ttialmi a si. Italy ah kum 93 a si cangmi putar pakhat cu covid zawtnak in a zaw i, Sizung ah aa thlop, Vanthat ah kum 93 asi cang mi tarpa cu damnak tlamtling a hmu.

Sizung in a chuah lai i, a zohkhanhtu sibawi pakhat nih kapu thawpeknak seh Ventilator na hman man thongnga (Italy tangka Lira 5000) pek ahau tiah bill cu a pek. Kum 93 asi cangmi Tarpa nih bill cu a zoh i a ttap thluahmah. Sibawi pa nih kapu tangka pek ding na ngei lo maw tiah zaangfahnak thinlung he a vun ti tthan.

Apawngkam a ummi sibawi hna le nurse pawl cu tarpa biachim an theih cun khupbil an ttap thluahmah ve hna. Tarpa nih a timi cu sibawi pa aw,, tangka ka ngeih lo ruangah ka ttah hi a si lo. Tangka cu ka ngei ko ee. Asinain kum 93 chung vialte thaw ka dawpmi vialte kha zeizat man dah a si hnga? Caan raulo chung thawchuahnak man hmanh Lira 5000 asi.

Kum 93 chung vialte ka thawchuah man kha zeizat man vialte kha Pathian sin ah ka bat mi asi. Sihmanhsehlaw a mah nih cun voikhat te hmanh ka thawchuah man aka hal lo. A zaangfahnak vialte ka rak philh tawnmi kha atu ka vun theih tikah ka ttah nak hi a si e tiah a chim. U le nau hna nifatin kan nunnak ah Pathian zaangfahnak hi um hlah sehlaw nang le kei hi kan dam kho lai. Cucaah 2kor 12:9 ah KA VEL HI NA CAAH A ZAKO aa kan ti.

May be an image of 2 people and people standing

Thawngpang:Kawlralkap hrang hna nih Tuluk le Russia an i pehtlaihnak kongah ramkheel minthang U Than Soe Naing nih thil sining a si. U Than Soe Naing nih a chimmi cu kawlralkap hna nih Russia le Tuluk an pehtlaihnak hi thildang pi ah khin a si lem lo. UN ah biachim khawhnak nawl an ngaih ruang ah a si ko. Dantatnak le phihkharnak lak in an chanh hna hi a tam ngai cang.

Curuang ah Min Aung Hlaing nih Tuluk le Russia cu aa bochan tuk hna. Tuluk le bang cu ahohmanh nih dirpi lo hna hmanhsehlaw Kawlram cu an dirkamh thiamthiam lai. Cubantuk thil cu tuanbia umtuning le thilkal ning zoh in theih dih a si. Aruang cu Tuluk le India hna chawlehnak an tuahnak hmunpi cu kawlram a si caah hin a si ko.

Russia zong cu bantuk thiamthiam asi. An nih chawlehnak dang khi a si. Tuluk bantukin thildang ruangah a si lo i, hriamnam kongah biatak tein kawlram cu pehtlaihnak a tuah. Cu ruangah Russia nih cun mipi le cozah nak in kawlralkap hi a dirpi peng ko lai. Cu thil a rawh lonak dingah Russia nih kawlralkap cu a dirpi peng nak hi a si tiah a chim.

Be the first to comment

Leave a Reply

Your email address will not be published.


*