JESUH KHRIH HI KAPA TIAH KAN AU LAI MAW? AU LAI LO FIANG TEIN RAK ZOH

JESUH hi Kan PA A Si Lo, Cucaah Ka Pa Tiin Au Hlah U Tiah Cawnpiak Tu Na Si Ah Cun Jesuh Nih An Thlah Mi Profet Na Si Lo. Zeicatiah Thlah Mi Nih, Thlah Tu A Thang An Chiat Bal lo. Jesuh Kri hi ka Pa, tiah kan au lai maw, au lo?. Atanglei hi rel law hi bu i kan au lai lo na ticun Kri Ral na si. 1Johan 2:18

Pakhatnak. Pathian cu pakhat lawng a si tikha kan ngalh. 1 Kor 8:4, Pahnihnak. Pathian cu pakhat lawng a si Jem 2:19, Pathumnak. Efesa 4:6-Pathian cu pakhat lawng a si. Palinak. Pathian cu pakhat lawng a si. 1 Timote 2:5, Panganak. Malakhi 2:5 Pathian cu pakhat lawng a si, ti ko nana in. Hika Cacaang nih hin Pathian pahnih an si ti-in na lung an tuai rua. Biathlam 22:3 Pathian Bawi ṭhutdan le Tufa Bawi ṭhutdan tiah (le) nih a dan tikah Bawi pahnih le Ṭhutdan pa 2 in na ruah tawnmi hi Bible relzia na thiam lonak a si.

Cupinah Biathlam 4:2 Vancungah khin Bawi ṭhutdan pakhat a um i a cungah cun mi pakhat a ṭhut kha ka hmuh a ti. Cuka i, “Bawi ṭhutdan pakhat aum micu a velchum in bawiṭhutdan dang 24 nih an kulh. bawiṭhutdan hna cungah cun puanrang aa aih i suiluchin aa chinhmi upa 24 an ṭhu ve. Cu Bawi ṭhutdan cung i a ṭhu mi cu, Saram nung 4 nih khan “A thiang, Athiang, Athiang Lian Ngan Bik Bawipa Pathian cu, “Amah cu a um cang mile a um lio mile a um lai mi a si an ti.

Saram nung 4 nih cun Bawi ṭhutdan cung i a ṭhu mi, zungzal in zungzal tiang a nungmi cu, sunparnak le upatnak le lawmhnak hla in an thangṭhat,. Cubantuk in an thangṭhat tikah upa kul le pali kha an kun i zungzal in zungzal tiang a(nungmi cu an biak). Lian Ngan Bik Pathian, tiah; “Saram nung pali nih an thangṭhat mile Upa kul le pali nih an biak i, zungzal in (a nung )mi cu hodah a si?

Biat1: 19 Keicu a nungmi kha ka si ka rak thi sihmanhsehlaw zungzal in zungzal tiang ka nung cang) a ti. A nung ṭhanmi cu JESUH kha a si lo maw? Amah cu pei Bawi ṭhutdan cungah a ṭhu i an thangṭhat i an biak mi PATHIAN cu a si cu. Hi maw na zumh khawh lo? Cucaah Pathian Bawi ṭhutdan le Tufa Bawi ṭhutdan tiah a chim tikah a kar lakah (le) timi nih a dan ruangah Ṭhutdan 2 le Pathian pahnih an si tinak a si lo.

Zohhmanh: Johan 10:28 ah, Ka Bawipa le Ka Pathian tiah (le) nih a dan ruangah pahnih an si tinak a si lo bantuk in, Cun Biat 13:6 hi rel law, “Pathian le Pathian min le Pathian umnak tiah (le) nih a dan tikah Pathian pathum tinak a si lo. Athiang, Athiang, Athiang voithum a nolh ruangah pathum an si tinak a si lo. Biathlam 19:10. Profet (vialte) hna lung thawh a petu hna kha JESUH hi a rak si tihi zum ko. Vialte hna timi ah hin Malakhi profet zong aa tel.

Biakam hlun lio Vanmi, ” Biakam thar i Vanmi si hna seh Krifabu sinah, a rak i langmi, Vanmi a rak thlah lengmang tu kha JESUH hi a si cuh. Biathlam 22:16.Cun zohhmanh: Johan 14:3 Mit hmuh in an sin a um lio ah, “Ka va kal lai i nan caah hmun ka va timh dih hnu ah ka rak kir ṭhan lai i kan lak hna lai a titu, JESUH kha Bawi ṭhutdan ah ṭhu cang kaw, Biat 21:5.6 7 Atu cu thil vialte a thar in ka ser dih cang hna, Keimah cu Alfa le Omega Hramthok nak le a donghnak ka si a ti.

6.7 Teitu a simi nih hihi ka sin in an hmuh lai KEIMAH cu an PATHIAN ka si lai i an nih cu (Ka fa) le an si lai a ti ko buin, JESUH hi Pathian a si Kan Pa zong a si lo caah Ka Pa tiin au hlah u, tiah cawnpiaktu na si ahcun JESUH nih an thlah mi profet na si lo. Zeicatiah thlah mi nih thlah tu an thangchiat bal lo. Genesis in Biathlam tiang hi Jesuh Kri Cauk a si. Cucaah Jesuh hi Ka Pa, ka Pathian tiah au ko.

Hihi na zumh lo cun, Biathlam 3:17. Ka rum ko, kaa zaa ko zeihmanh ka bau lo na ti. Asi nain zeitluk sifak le zaangfah awk tlak dah na si kha naa hngal lo. Na si a fak puan aih awk hmanh na ngei lo na mit a caw timi MIN kha pek na si lai.A khaa mi Sii kha i na caah damnak a si ahcun dolh ko. Akhaa mi Bia hi na caah damnak a si ahcun dolh ko. Credit:F Bawi Khamh

Be the first to comment

Leave a Reply

Your email address will not be published.


*