ITALY AH KUM 93 ASIMI DAMNAK AHMU, DR TE AN TTAP DIH TARPA BIACHIMMI

Hi konghi athei cangmi zong kan um kho men a thei rihlomi caah vun langhter tthan vemi asi. Arelmi vialte hna nih hlawknak kan hmuh hrimhrim lai timi ruahchannak he vun langhter chinmi asi. Kum 93 asi cangmi Tarpa pakhat cu tulio zawtnak Coronavirus zawtnak nih a tlak i Italy sizung ah caan zeimawzat thlop bulnak tuah a si.

Vanthat ah kum 93 asimi Tarpa cu coronavirus zawtnak in damnak tlamtling a hmuh. Sizung in chuah aa timh cuahmah lio ah Sibawipa nih cun kapu hihi na thawhchuahnak seh Ventilator man asi tiah bill cu apek i, aman cu anmah lei tangka Lira in thongnga asi. Kum 93 asimi Tarpa nih a bill cu a zoh i, amitthli he attap thluahmah.

Kum 93 asimi Tarpa nih i suum kho loin a ttah cu apawng a ummi sibawi hna le Nurse hna nih an zoh tikah an celh ve cio lo. Sibawipa nih a timi cu Kapu tangka pek dingmi na ngei lo maw? tiah zaangfahnak thinlung he kum 93 asi cangmi Tarpa cu sibawi pa nih cun a vun ti.Nain Tarpa nih cun mitthli he hitihin Sibawipa cu aleh.

Sibawipa Tangka ka ngeih lo ruangah ka mitthli a tlak in kan ngaih achiatnak le ka ttahnak hi a si lo e, Tangka cu ka ngei ko ee, Asinain Sibawipa aw kum 93 chung vialte ka thawchuahnak le ka thaw dawpmi vialte kha tuak hmanh law zeizat man ko dah asi hnga? caan tawite chung ka thawchuahnak man ah Lira (Italy tangka) thongnga asi.

Kum 93 chung vialte thaw ka chuahmi man vialte kha Pathian cungah leiba ka ngei.Asinain Pathian nih cun voikhat te hmanh ka thawchuahman aa ka hal lo, a zaangfahnak vialte ka rak philh mi kha atu ceo ah ka theih ruangah ka mitthli a tlak in ka ngeih achiat i, ka ttahnak cu a si tiah Kum 93 asi cangmi tarpa nih sibawi pa cu lehnak atuah.

Dawtmi ule nau hna, Nifatin kan nunnak ah hin Pathian zaangfahnak hi um hlah sehlaw nangmah lei keimah kan dam kho lai lo i, kan nung kho lai lo tinak asi. Curuangah kan biakmi kan Pathian nih nih cun Ka velhi na caah a za,(2kor 12:9) ah aa kan ti. Credit: Original Writer by Rev Mal Sawm Thang