INTUARNAK KONG HE PEHTLAIIN JOB NIH AKAN CAWNPIAK MI

Nihin Caah Pathian Bia (The Word of God for Today). Intuarnak Kong He Pehtlai In Job Nih A Kan Cawnpiakmi Job 2:10 Sihmanhsehlaw amah cu a thawh i, ” A hrutmi nu bantuk in pei bia na chim cu, Pathian kut in thatnak cu kan hmuh i thatlonak zong kan hmuh awk asi hnga lo maw? ” tiah ati. Hi thil vialte ah hin Job nih a kaa in sualnak a chim lo.

Intuarnak kong hi vawlei hramthok in atutiang mikip nih an buaipi mi asi. Biaknak dang zong nih an buaipi i khrihfa hna zong nih kan buaipi rih peng. Pathian a um taktak hnga maw ti hmanh hi intuarnak ruangah mi cheu nih cun an zum lo. Ava um zong le Pathian hi dawtnak asi ko ahcun ziah hi intuarnak hi a tlun ter, asi lo ah ziah a tuar a kan senh? tiah biahalnak a um
lelek.

Asinain zumtu nih cun intuarnak hi a chialei rumro in hmuh phung asi lo. Zumhnak ah azani tluk in hmuhmi hna an tuanbia tawi hi Hebru dal 11-ah kan hmuh. An dihlak ngawt in an chan lio cio ah harnak a tongmi lawngte an si. Cu harnak nihcun a chia lei ah phak ter lo in thil tha le zumhtlakmi sinak leiah a hruai hna ti kan hmuh. Cucaah zumtu hna nih hi vawlei cung kan nun lio ah harnak le ngaihchiatnak te hna kan ton tikah Job nun nih hin a kan cawnpiakmi hngalh hi kan caah a tha hringhran.

Atanglei hna hi zoh hna hmanh usih. 1. Inntuarnak Nih Zumhnak Thazang A Thawnter (Job.19:25-27) Midingmi hna nih harnak an ton le an tuar tawn cu an sual ruangah si lo in an din ruangah asi. Ramkhel rian zongah miding le mifel cu mi hrokhrawl le mi ding lo nih an huat tawn hna. Cozah zung tehna zongah a fel tukmi cu cunglei bawi nih an duh hna lo.

Biaknak koko hmanh ah a feltuk mi cu hruaitu zir le mi depde nih an rem hna lo. Zeititen dek um kho lo ding in an tuah hna i a phuah hna an phuah hna. Abik in hruaitu tha lo nih miding cu an rem hna lo. Zumtu tha nih a inntuar cu Pathian nih an zumhnak thawnter a duh hna caah asi. Job zong a intuarnak nih a zumhnak a thawnter. Cucaah tuarnak le harnak lak in, ” A ka tlanhtu a nun kha ka hngalh i vawlei cungah a dir te lai… ka cuar cu hrawh asi tikah ka titsa in Pathian cu ka hmuh te lai” tiah ati (Job.19:25-27).

Pahnihnak. Inntuarnak Nih Lungsaunak A Chuahter (Job.1,2; Jeim.1:3) Job kha a satil dihlak le a congtu a sinum dih lak an thih pinah, a fapa le a fanu le zong an dih lak in thlichia hrang lak ah an pam dih (Job.1:14-19). Cu hnuah amah zong hnipuan hmanh i hruk awk tha lo in hmachia nih a tlunh (Job.2:7,8). Kha thil dihlak a intuar bu ah Job nih a ka in a sual lo. Kha thil a tonmi le a tuarmi nih Pathian a zumhnak lei ah an bawmh leh lam.

Lung saunak tu ai chap. Paul nih, ” Harnak kan inmi zongah hin kan i lawm ko, zeicahtiah harnak nihcun inkhawhnak a kan ngeihter” ati (Rom.5:3). Jeim zong nih, ” Annih nih an in khawh caahlunglawmmi kan ti hna. Job lungsaunak kha nan theih” ati ve (Jeim.5:1). Pathumnak. Intuarnak Nih Pathian Sunparnak A Langhter (Job.1:21) Hi vawlei i kan chuah chan le kan nun chan hi, rum le sifah ding zongah asi lo, minthan le than lo ding ca zongah asi loh, dam le zawtfah ding zongah asi hlei loh, Pathian sunparnak caah asi bik(Isaiah.43:7).

Sifahnak le harnak lak in Bawipa sunparnak hi langhter khawh asi tawn.Job bia te hi ruat hmanh usih. Ka nu paw chung in taklawng in ka chuak i taklawng in ka kir than kai; Bawipa nih a ka pek i Bawipa nih a lak than; BAWIPA MIN CU THANGTHAT SI KO SEH.” (Job.2:21). Thlarau lei pa pakhat bia in dongh ter ning. Khrihfa cu lakphak fun (tea bag) he kan i lo.

Tisa chungah hnim ta lo ahcun din tikah a thaw kho lo. A hman tukmi asi. Kan intuar tikah Job nun in thazang la usih. Job bang in kan tuarnak nih kan zumhnak thazang thawnter ve seh. Lungsaunak zong chuahter se law, Pathian sunparnak zong langhter ko seh. Bawipa ca le midang caah a thawmi kan si ter chinchin seh. Amen!! SHARE maw philh sual lai cih. Credit: Rev Dr G Zathio

Relchih:Chin mi lakah bochan deuh mi, thil thei duh tiah ruah mi tam deuh nih cun Donald Trump hi an rak uar lo ngai timi a lang. Donald Trump i thil a kal pi ning a policy kong tete zong ah soiselnak an tuah lengmang ve hna. Tutan zong ah Laimi kanpa bak a simi Rev. Dr. Ral Buai nih Donald Trump a uar lonak cu fak ngai in a rak langhter ve ko hih.

Hi cabia hi USA election lai te ah Zasang Cinzah nih Joe Biden maw a ttha deuh Donald Trump dah ti phun in a rak tial, cu ahcun Rev. Dr. Ral Buai zong a rak tag ve i comment a pek hi asi.Zasang catial mi taang ah Rev. Dr. Ral Buai nih comment a pek mi a si, a uar lonak cu comment in a langhter timi kha kan theih piak hram uh.

Rev. Dr. Ral Bawi nih a tial mi cu “USA ah a um mi minung vialte Donald Trump nih kum(4) chung a nawnnawk tthan hna ding a si ahcun a poi tuk lai. President thar, mi volhpamh a hmang lomi, lihbia a chim lomi. Bible zong Show tuahnak caah hmang loin a chung bia a zum mi nih USA hruai cang seh. Pathian ser mi ciocio thleidannak a ngei mi, nu a ram bik mi, nu hna zeihmanh ah rel lo, mipen a hua mi, a mah le a nupi zong mipem,

USA ramchung minung ting 22 an thih pi mi zawtnak zong capo saihnak men ah a hmang mi, a za cang, kal cang seh” tiah a tial hi asi. Rev. Dr. Ral Buai nih Donald Trump cu mi piangthar hrim ah a hmu lo tinak a si, Bible cabia ah nun tung loin show case ah Bible a hman, lih a chim, mi volhpamh a hmang tiah a comment ning in cun hmuh khawh a si.

Be the first to comment

Leave a Reply

Your email address will not be published.


*