ATTHA KHO TUK: VA LE THILCAWK A HAU LENGMANG MI NU PAWL

Laimi kanpa pakhat asi mi Rev. Hoi Cung Tum nih thlacam thiam lo kong a chimmi hi a ttha kho tuk. Thla kan cam tikah Pathian sinah kan halmi a tam tuk tikah Rev. Hoi Cung Tum lung arak si lo ngaingai. Fak ngaiin nupi thalo kong in tahchunnak le fianternak a tuah. Pathian sinah thil hal tuk hi Jesuh sunlawi zia na hngalh lo a si a ti.

Rev. Hoi Cung Tum nih a chimmi tampi chungah tthenkhat kan vun langhter. Atimi cu Chungkhar mirum ngai an um i fapa pakhat a ngei. Nupi an thitpiak. A nupi kha a fim ahcun fapa rocotu ka si ti kha aa hngalh ding a si. An ngeihmi vialte kha ka ta a si dih ko ti kha a theih awk a si. Va ngeih tikah thlarau fimnak he va ngeih hi a biapi tuk tiah a chim.

Cun Rev Hoi Cung Tum nih ati thanmi cu ‘nupi fim nih cun pasal a ngeih tikah zaangdam tein a um i ka pasal ngeihmi paoh cu ka ta a si ti a theih dih. A pasal tang ah dai tein a um ko. Cucu nupi fim nu cu a si. Nupi thalo nun kan chim rih hna lai. Nupi thalo nih cun an pa kha thil cawk a hauh lengmang tawn tiah a chim rih.

Culawng siloin Mi sifak nih mirum pa vat kan ti cu i hruk dih le ei dih a duh. Nupi hrut va ngeih cu vale caah lungre a thei ko lai. Mi thil kip an hngar hna. Amah nih cucu aa hruk amah nih cucu a ngeih an ti i vale thil hauh an hmang tuk. Nupi tha cu vale tangah aa dor i pasal duh ning tein an nung.

Nupi le thil hauh a hmang tukmi cu ‘a thin kan in te hna’ tiah fak taktak in a chim. Nan vale nih eee kan in ti ko hna zong ah a thli tein a thin kan in te hna. Cuticun Jesuh Khrih he kan i pehtlaihnak kong fianternak a tuah. Va na ngeih i na va nih a ngeihmi poah kha na ta a si. Nan tuan lomi, nan thlawh lomi nan vale chungkhar thil hna kha kanmah ta vun ti cu a fawi lo.

Lengah nan i chawh i kan kawpi tete hi vun ti cu a men lo tukmi a si. Nan ning a zah bu tein nan timi kha a hmaanmi a si.An fapa nupi cu pei nan si cang cu. An ngeihmi poah cu nan ta a si cang. Cucu va ngeih dakaw a si cu. Jesuh kan ngeih he aa khatmi a si. Jesuh kan ngeih cang hnuah cun Pathian thil paoh cu kan ta a si cang. Pathian sinah thil kan hal tukmi te hna kha nupi thalo kan lo tawn tiah fak ngaiin a chim.

Note: Mah konghi Rev Hoi Cung Tum nih a chimnak caan a saupah cang nain a ngai lomi le a thei lomi kan um sual ah tiah a chimmi tampi chungin tlawmpal kan vun langhter.