PDF Commander tlaih dingin a rami ralhrang minung 7 an thi. Magway ramthen Natmauk pengah PDF commander tlaih dingin ralhrang bawi Aung Tu le a nau le pawl hna bomb an puah hnawh hna i, ralhrang bawi Aung Tu telh in minung 4 a hmun ah an thi colh.
Cun hliamtuar mi 3 hna zong sizung ah an thi tthan i, an dihlak in minung 7 ralhrang an thi tiah PDF lei rian ngeitu pakhat nih a chim. May ni 20 suimilam 10:15 ah Natmauk peng, Mintekyi lampi ah Khohsuai ei dingin PDF commander Aung Dyn arami cu ralhrang hna nih tlaih dingin an rat hnawh.
Asinain a motorcycle chungah bomb a kamhmi a puah hnawh hna i ralhrang 4 hmuncia ah an thi i, a dang minung pathum cu sizung an phak hnu ah an thi. A thimi chungah ralhrang palik bawi Aung Thu zong aitel tiah thawngpang theih a si. Ralhrang hna nih commander cu an kulh.
Asinain commander cu a zaam i, a cycle cu ralhrang nih an kulh lio ah bomb a kamh mi a puahter i ralhrang an thi tiah theih a si. Athimi ah hin Aung Thu le Zaw Myo hi theih an si i, a dang hi cu theih an si lo. Ralhrang bawi a thimi Aung Thu cu May 21 ah khan an vui tiah an langhter chih.
Thawngpang dang.Mipi ralkap minung pakua nih ram le miphun caah an nunnak an pek tthan. May ni 14 in May ni 23 tiang kahdohnak ah ralhrang lei in minung 40 an thi ve. Kaya ramkulh Demoso peng ah ralhrang le mipi ralkap hna cu Ni 9 chung pehzulh in i kahdohnak a chuak.
Kahdohnak ah ralhrang lei in Ralbawi pakhat captain telh in minung 40 an thi i, a nung in minung pahnih tlaih an si tiah KNDF lei nih thawngthanhnak an tuah. Tutan ah ralhrang a dohmi mipi ralkap hna hi KA, KNDF Sit bu ha a hmat (4), KNDF Sit bu ha a hmat (6), KNDF-ETD, KNDF-UAV, Luaikaw-PDF hna an si.
Ni 9 chung i kahdohnak ah mipi ralkap lei in minung 9 nih ram le miphun caah an nunnak an pek. Hi i kah chungah ralhrang lei nih cunglei raltuknak vanlong in voi 60 bomb a thlak hnawh hna nain hriamnam tampi mipi ralkap lei nih an lak khawh.
Leave a Reply