ZAWTNAK RUANGAH BAWMHNAK KONG A HNU BIK AN CEIH MI

Second Stimulus Check.Federal Cozah nih virus ruangah Minung pakhat $1200 le ngakchia pakhat ah $500 pek ding in timhtuahnak an ngeih thanmi cu White House le Democrats hruaitu hna kap hnih lungtlinnak an ngeih khawh lo ruangah atu tiang ngah khawh si lo.

Democrats hruaitu hna le White House palai hna cu a thar in stimulus check kong ceihmainak an thawk than cang. Tuzarh chungah cun lungthinnak an ngei kho lai tiah kap hnih in zumhnak an ngei. Tuzarh I lungtlinnak an ngeih khawh ahcun ni 6 chungah kan kuat dih lai ti a si.

BLM Phu Nih Chicago Ah Dawr An Bauh.Minak tanhtu BLM phu nih nizan ah Chicago khua I Miracle Mile dawrpi cu an bauh I thil an fir caah police nih an zuanhnawh hna I minung 100 an tlaih hna. Police minung 10 hliamhma an tuar ve.Dawr bauhnak ah a tel vemi , Ariel Atkins nih “I don’t care if someone decides to loot a Gucci or a Macy’s or a Nike store, because that makes sure that person eats, that makes sure that person has clothes.” a ti.

Mizeimaw nih Marcys dawr, Nike dawr asiloah Gucci dawr an bauh ahcun ka zeihmanh poi lo, a firtu hna nih thilpuan le eidin an ngeih a biapi. Insurance an ngeih ko caah ka zei poi lo a ti. Nizan I dawr an bauhmi ruangah thilri $60 miiloin man an fir. Thilfir lawng hmanh si lo, an thilri an hrawh piah chap hna.

Chicago cu Democrats pawl nih a ukmi khua a si. US ah Meithal ikahnak le misuak gang an tam biknak khua a si. BLM phu cu Democrats pawl nih Republican tuknak tanbo bantuk in an hmanmi hna an si an ti. Credit: Salai Lairamthang