VICE PRESIDENT MIKE PENCE NIH TRUMP ADIRKAMH CANG

House Speaker Nancy Pelosi nih Vice President Mike Pence cu President phuah khawhnak phung 25th Amendment hmang in President Donald Trump phuah a forhmi cu a lungtlin lonak ca Nancy Pelosi sin ah a leh i, President Donald Trump a dirkamh. A cakuat ah thluak le lungthin lei dam lonak, medical and mental incapacitation dah ti lo ahcun ka hmang kho lo, kan phung zong a si lo tiah a leh, Atu bantuk caan i 25th Amendment hman cu kan phunghrampi zulh phung zong a si lo i, kan rampi ca zongah thil tha a chuahpi dingmi a si lo tiah Vice President Mike Pence nih a ti.

President Trump cu tuchun ah US le Mexico ramri Texas state Alamo ah a kal i, ramri an khammi vanpang, border wall a va zoh. Khan 450 ramri kulh dingmi ah, khan 400 a khamh dih cang. Tukum chungah a dihlak in lim dih ding in timh a si nain Joe Biden nih a ngolhter than hna ahcun khan 50 hi lim lo thai a si kho.President Donald Trump nih cun a chimning tein a tuahmi pakhat a si.

Ramri khammi a zohnak ah a chimmi cu” President dinhter khawhnak phung 25th Amendment hmang in impeachment nan tuahmi hi US caah tihnung tukmi a si. Mah nan tuahmi thil lila nih Joe Biden cu a hnulei in a rak zulh than te lai tiah a chim.US nih ka ngeihmi zalong tein biachim khawhnak nawl, “Freedom of Speech” cu an kan thah piak cuahmah, mah bantuk hi kan tuanbia ah a um bal lomi a si.

25th Amendment phung hi keimah caah phan awk pakhat hmanh a um lo,” asinain mah thil nan tuahmi lila nih Joe Biden le a cozah cu hna hnawhnak apek than hna lai, Impeachment nan tuahmi nih minung tampi thinhunnak le thenhmalnak a chuahpi lai, nan ruahning nak leng in tihnung mi thil a si” tiah ralrinnak a pek hna. Democrats nih house ah impeachment an tuah khawh lai nain Senate a phak tik ah Republican party hna nih an rak thah piak thiam dingmi a si.

President Trump nih a dirkamhtu vialte bia a cahmi hna cu, kan nih cu violence, ituk ithah le thil hrawh kan pom lo, “we’re a nation of law, and a nation of order.” kan nih cu phung a ngeimi ram le phung a zulmi ram kan si” Make America Again” [ MAGA ] nih kan ngeihmi tlaihtleng cu zulh phung fel tein zulh a si. “respect for law enforcement is the foundation of the MAGA” tiah a chim. Pathian nih thluachuah in pe cio hna, Pathian nih law enforcement vialte thluachuah in pe hna sehlaw, America rampi zong thluachuah pe seh” ti in a bia a donghter. Credit: Salai Lairamthang

Be the first to comment

Leave a Reply

Your email address will not be published.


*