VAWLEIPI NIH US PRESIDENT DONALD TRUMP AN THANGTHAT CANG

US President Donald Trump thawngin uico le meheh bantukin aa huami cu a sunglawituk mi remnak an tuah cang. Israel le UAE cu aliamcia tuthla ni 13 ah khan remdaihnak an rak tuah. Remnak an tuah hnu ah rampi karlak ah pehtlaihnak direct telephone service zong an tuah cang. UAE hi Gulf Arab chungah Israel he hnatlaknak atuah hmasa bik an si.

Culawng siloin Middle East ah Israel le Arab Peace Treaty tuahmi pathumnak zong an si rih. Remnak an tuahmi hi September thlathok ah US ah tlamtling tuah dingin ruahchannak an ngei. Direct Telephone Service on a si bak in hin Israel Foreign Minister Gabi Ashkenazi le UAE Foreign Minister Abdullah bin Zayed al-Nahyan hna cu chawnh biaknak an ngei.

UAE ah Telcom Provider hna nih Israel rampi code +972 an rak phihkharmi zong dihdonghter colh a si tiah Israel Communication ministry nih thanhnak atuah colh. Israel le UAE hna nih tulio zawtnak kong zong dottletnak ngeihtti dingin remnak zong an tuah tthan cang.Rampi pahnih remnak kongah Donald Trump rianttuannak hi langhter lo awk attha lomi asi. Ahrampi cu Trump a si tiah an chim.

Hi konghe pehtlaiin Chief Advicer Jared Kuskhner nih atimi cu Israel le UAE lungkhat in an um khawhnak hi a hrampi cu US President DOnald Trump rianttuannak asi ko tiah a chim.Donald Trump nih hin US President a sika tein Israel le UAE hna lungkhat in remnak an tuah khawhnak dingah rian attuan colh. Hi a rianttuannak le akhuakhan lairelnak thawngin rampi pahnih ca lawng siloin Middle East kulh chung ca tiangah chinchiah tlak taktak remnak hi atuah khawhnak asi tiah apeh chap.

Israel cu kum 1948 ah independence a rak hmuh. Culio ah Arab ram pahnih lawng nih remnak an rak tuahpi hna. Kum 1979 ah Egypt le kum 1994 ah Jordan he remnak an rak tuah. Cun kum 1999 ah khan North West Africa ah Arab League chungtel, Mauritania he an rak tuah nain kum 2010 ah a rak ngol.

Arab le Muslim ram tam deuh hna nih hin Israel cu ttuanpi i, remnak an tuah pi thluahmah ko hna lai tihi ruahchannak nganpi ka ngei tiah US President Donald Trump nih a chim ve. US president DOnald Trump thawngin rampi pahnih hna nih remnak an tuahmi hna cu atanglei bantukin hin an si.

Rampi pahnih hna nih ram khat le ramkhat pehtlaihnak a thatnak dingah Palai thlah ding tiah remnak an tuah. Hi thil caah Embassy zong tuah dingin biachahnak an ngei. Khualtlawnnak le siseh Sianginn kainak le ngandamnak lei cun chawlehnak lei siseh humhhimnak lei sisi aharh ningin hmunkhat ah ttuanti ding ti asi.

Tutan ah President Trump thawngin remnak an tuahmi cungah vawleipi cu lawmhnak in an khat. Asinain Palestinian le Iran cun Turkey hna nih an soisel tthan ve. Middle East ah remnak le daihnak a um khawhnak dingah riantuannak biapi taktak asi lai tiah ka ruahchan tiah UK PM nih a thangthat hna.

Be the first to comment

Leave a Reply

Your email address will not be published.


*