VAWLEI PI DIRHMUN AN LANGHTER CANG, AI NING DEUH CANG

Vawleicung ah Coronavirus zawtnak a ngeimi hi minung 25 million renglo an si cang tiah an langhter. Coronavirus zawtnak angeimi hi an dihlak in minung 25 million renglo an si i, hihi a hnubik thanhnak an tuahmi nizan tiangah a cangmi asi. Cun Coronavirus zawtnak ruangah vawlei cungah a nunnak a liammi hi an dihlak in minung tingriat le thongsawmli renglo an phan cang.

Thanhnak an tuah tiangah hin Coronavirus zawtnak angei tam bik a thimi tambik hi US thiamthiam a si rih. Cun a vun chang ah hin Brazil a si i, a pathumnak ah India a si. Tuthla August ni 7 thok in nifatin zawtnak angeimi a tambik cu India ram a si. US le Brazil nak in akarh deuh cang tiah an chim. US ahcun zawtnak angei thar mi le a nunnak aliammi hi an ttumchuk cang.

Hi lio caan ah Midwest lei ahcun zawtnak angeimi hi an karh ve ngaingai cang ti asi. Vawlei cung huap in coronavirus zawtnak hi ttumchum lei apanh cuahmah cang i, a liamcia March thla thok in khan nifatin zawtnak angeithar mi hi 7.7% asi cang. Cun April thla chungah 4.6% a si i, May thla ahcun 2.1% asi. Cun June thla chungah khan 1.8% asi cang.

Avun ttum deuhdeu i, July thlachung ahcun 1.7% a hung ttum rih. Cun atu langhternak an tuahmi August thlachung ah hin 1.2% a si cang tiah an langhter.Zawtnak hi nikhat hnu nikhat, thlakhat hnu thlakhat in ttumchuk lei apanh cuahmah cang. Zawtnak a chuahnak hmunpi a simi Wuhan cu sianginn zong on an timh cang. Atanglei hi an langhtermi thanhnak cu asi.

Vawlei cung thinphang thlalau in atuahtu Coronavirus zawtnak a chuahnak hmunpi asimi Tuluk Ram Wuhan cu Sianginn an on cang lai. Hi konghe pehtlaiin Wuhan khua nawlngeitu hna nih Sianginn hna cu on a si cang lai tiah an langhter. An i timhtuah ning ahcun tuchin in hin Wuhan University cu on an timh i, Thaizing in sianginn on an timh tthan.

Hi kong hi Wuhan nawlngeitu hna nih an langhtermi a si. Zawtnak ruangah Wuhan cu caan zeimawzat chung cawnnak vialte an khar dih hna. Asinain atu ahcun cawnnak hun hram an thok cang lai. Zawtnak a chuahnak hmun asimi Wuhan ah hin cawnnak lei hi 2842 a um tiah an langhter. Hi vialte cawnnak ah hin minung 1.5 million hrawng an um ti asi.

Sianginn thok an timh caah sianghngakchia hna cu hmaihuh Mask nan i vuah dih lai tiah theihternak an tuah cang hna. Cawnnak sianginn kip ah DCE timi Disease Contral Equipment chiah dih dingin sianginn nawlngeitu vialte hna zong theihternak an tuah dih cang hna. Cawnnak an ngeih chungah hngakchia dirhmun zawtnak an ngei maw ngei lo timi zong report nifatin nan pek lai ti asi.

Cun cawnnak sianginn ah a bubu in um angah lai lo ti asi rih. Ram leng minung ca cawng dingmi sihna seh cachimtu hna zong an kainak siseh an ttuannak hmun ah siseh nawlngeitu hna nih cawn khawhnak le ttuan khawhnak ding mi kawh auhnak an hmuh lo asi ahcun cawn le kai siseh tuan a ngah lai lo tiah langhter chih tthan a si.

Theihcia le thanhnak tuah cang lengmang cang bantukin zawtnak a chuahnak hmunpi a simi Wuhan cu a liamcia April thla in khan zawtnak cu ttumchuk hram a rak i thok cang. Cucaah phihkharnak an tuahmi vialte zong an on dih cang. Cun a liamcia May thla ni 18 thok in khan zawtnak angei thar mi minung pakhat hmanh an um ti lo tiah an chim.

Be the first to comment

Leave a Reply

Your email address will not be published.


*