VAWLEI CUNG RAMPI PANGA NIH THANHNAK AN TUAH CANG

Myanmar Mipi R2P in Kilven an Herh tiah Europe Ram 5 nih Cathanh Chuah. Myanmar ralkap kut in tuksum in thahnawnnak a tongmi Myanmar rammi pawl hi vawleicung ram kip nih kilven hna ding in ttuanvo kan ngei.(Responsibility to Protect-R2P) tiah Nordic Countries tiah an timi hna Norway, Denmark, Sweden, Iceland le Finland nih cathanh an chuah.

April 9 zaan ah Myanmar kong he pehtlaih in UN Securiry Council an tthut hnu ah a cunglei ram 5 nih atu bantuk in cathanh an chuah hi a si. US zong nih cathanh chuah le mawchiatnak baichim cu a za cang. Atu cu action fak piin kan lak caan tu a si cang, tiah nizaan UN Security Council ah a chim ve.

The junta names the day | The Economist

Relchih: Hakha Thanchonak Rian Committee Chungtel ah Hakha Upa 6, Pu Ngun San Aung nih Rian a Khinh Hna. Ralkap (SAC) tang ah a ummi Hakha khua tthanchonak rian a ttuantu ding committee chungtel ah Hakha khua upa chung in minung 6 cu Chin ramkulh Administrative Council Chairman Pu Ngun San Aung nih rian a khinh hna.

The Chin Journal sin ah a phanmi cu riankhinhnak ca chung ah cun Hakha khua ah bochanmi upa hna le Hakha mirum tiah theihmi hna Pu Thawng Kian, Pu Chum Ling, Pu Thla Bik, Pu Ral Kham, Pu Cung Hu le Dr. Thla Cung hna an i tel. Pu Ngun San Aung nih rian a khinhmi hna cheukhat nih Riankhinh kan simi zong kan i thei lo. A kan chim cia lo, tiah an chim.

A cunglei minung 6 lak ah Pu Thawng Kian, Pu Chum Ling le Pu Thla Bik hi Hakha mirum tiah theihmi an si.Cun, Dr. Thla Cung hi saram sibawi a si i, Pu Ral Kham hi caan saupi Hakha khua upa a ttuanmi le 2015 ah CLD in a rak i cuh balmi a si. Pu Cung Hu timi belte hi Cung Hu Blood Foundation timi thisen hlutu bu a dirhtu maw a si (asiloah) Hakha khua i United Democratic Party (UDP/နှင်းဆီပါတီ) Chairman dah a si timi kan fiang lo. Riankhinh a tongmi hna nih rian a cohlan le cohlan lo zong fiang in kan thei kho rih lo.The Chin Journal

Be the first to comment

Leave a Reply

Your email address will not be published.


*