VANTHAT BAK SI, SUPREME COURT NIH TEINAK NGANPI APEK CANG HNA

US Khrihfami caah thawngpang tthatuk a chuak cang. Covid ruangah Biakinn pumhkhawmh an khap mi konghe pehtlaiin Khrihfabu tampi hna nih lungtlinlonak an ngei. New Jersey state le Colorado state hna nih biacaihzung ah tazacuainak an tuah. Asinain biacaihzung fa deuh hna nih cun Khrihfabu cu sunghnak an pek hna.

Sihmanhsehlaw Biacaihzung sangbik Supreme Court ah tazacuainak an tuah tthan. Supreme Court nih Khrihfabu hna cu teinak nganpi an pek cang hna. Supreme Court nih atimi cu Khrihfabu hna hi Private business ngeimi hna nih an dawr an on khawh bantukin an Biakinn ah pumhkhawmhnak covo an ngei ve tiah biachahnak an tuahpiak cang hna.

Biachahnak an tuah hnu tuchun thok cun zalong tein Khrihfami hna cu biakinn ah pumhkhawmh khawh asi cang lai tiah an langhter. Theihcia le thanhnak tuah cang lengmang bantukin Supreme Court cu America biacaihzungah a ngan bik mi asi. Hika ah hin Justice minung pakua an um i, paruk hna cu conservative Christian an si i, pathum cu Trump nih athimmi hna an si. TCP

Relchih:US thimnak kongah Democrats chungtel hmanh nih a dik felmi thimnak asi lo tiah an chim cang. Democrats chungah 16% nih thimnak hi a hman lo tiah an langhter cang. Donald Trump cu thimnak konghe pehtlaiin buainak atamtuk caah Martial Law hmang ko cang tiah ruahnak an pek cang. Asinain Donald Trump nih lehnak atuah rih hna lo.Culawng siloin ralkap lutlai ngan pahnih asimi Lt. Gen, Michael Flynn le Lt.Gen, Mclnerney hna nih Donald Trump cu martial law thanh ko.

Ramchung ramleng in buainak atuahmi vialte hna cu tleih dih hna ding, Cun adik felmi thimnak athar in tuah tthan dingin Donald Trump cu an chimh rih. Asinain hi konghe pehtlaiin Donald Trump nih zeibia hmanh lehnak atuah than rih lo.Cun Donald Trump cu Sidney Powell le Janna Ellis siseh Lin Wood le an ttuanpi hawi hna zong nih na nawlngeihnak hmang ko tiah ruahnak an pek rih. Atu US mipi cheuhnih cheukhat nih US President thimnak cu ningcang tein tuahmi asi lo tiah an phuan. Hi konghe democrats chung ah 16% nih tutan thimnak hi a hmanlo mi asi tiah an langhter cang.

Tutan US thimnak buainak kongah Martial Law hi rianrang in thanh ahau cang ti asi. US Consitution, Article ll, section 2, Clause 1 nih a chimmi cu president cu US Army, Navy le Air Force lawng siloin State tthenkhat chung i, ralkap hna lutlai lubik, commander-in-chief asi lai ti asi. President nih Martial law athanh asi ahcun Constitution siseh Supreme Court siseh, Congress (senate and House) hna cu rian ttuan loin an um lai. Rampi huap in cozah rianttuantu vialte hna nih President chimning paoh in rian an ttuan hna lai.

Election kong vialte hna cu ralkap hna nih thleidennak ngei loin an ttuan lai. Hi zawn ah pumpak hlawknak tibantuk zong pakhat hmanh aum lai lo ti asi. Cun party kip zong nih hna hnawhnak an pe kho hna lai lo ti asi rih.Cun vote thlaknak ah an hmanmi Dominion seh zong an hmang ti lai lo. Thimnak ah mipi nih Biden an duh deuh asi ahcun atling ko lai. Lih le hrokhrawlnak pakhat a um ti lai lo. Vote rel zong tha taktak rel asi lai. Thimnak adih i, civil administration aum hnu ah Martial Law cu an phoih tthan lai. Cuticun party pahnih buainak vialte hna cu adai cang lai.

Biachap. Tutan thimnak kongah buainak vialte hna hi Donald Trump nih a duh asi ahcun fawite in a sersiam khawh dih mi asi ko tihi tutan cabia in alang. Donald Trump nih hin Martial Law hi ahmang te hnga maw? zeitindah nan ruahcio ning asi?

Be the first to comment

Leave a Reply

Your email address will not be published.


*