US UMMI CAAH THAWNGPANG TAKTAK A CHUAK CANG

US Um Kawlrammi Caah Thawngpang Ttha ( USCIS News). US Citizenship & Immigration Service Agency nih November 13,2020 (Friday) ah thawng thanhnak an tuahmi ah, US Citizen le Green card a hal ( Applied) mi pawl cu, December 1, 2020 in Interviews thawk ding asi cang tiah an thanh cang.

Tutan Interview ah hin, Kum dang hnakin biahal nak( Questions) le bialeh nak ( Answers) cu tu hlan hnakin a tam deuh lai i, questions 12 in 20 karlak atlawm bikah, an hal lai. USCIS Official nih an chimmi ah, Questions 10 ah 6 an phit khawhah cun, Ong(Passed) asi lai an ti i, a um tuning cu 100 ah 60% na phit khawhah cun, na Ong lai tinak asi.

Interview nakah hin, English Rel ( Read), Tial (Write) le Chim ( Speak) tawmpal cio nan thiam a hau lai ti asi i, US (History) Tuanbia le Politics kong tam deuh hal an si lai ti’ah USCIS Official Pages nih a tial. Cupinah, 2021 ah hin, USCIS nih Ramdangin US a luh duhmi Immigration mi thong 40000 leng kan lak tha’n hna lai ti’ah an Official Pages ah an tarlang cang. Credit: MC Biklian.

Hi Pa Nawl Hi Cawng Cio Hna Usih. Sam, 118: 24. Bawipa nih a kan pekmi ni hi zeitluk in dah a that; hi ni ah hin i lawm usi law i nuam usih. Khrihfa nun hi a harmi ah ruah ding asi lo. Thiang Thlarau thawng in lawmte le nuamte in nung kho kan si. Cuti nung ding zong in Pathian nih a kan duh. Bawipa thangthatnak le asin i lawmhnak chim bu in nung ding kan si.

Cun thinphan zong a kan thlauh fawn (Filip.4:6-8; 1Thes.4:17). Cucaah nihin caah hin zohchun awk a tlak ngaimi pastorpa kong in thazang la hna usi law a nawl cawng hna usih tiah sawm kan duh hna. Soe tiah min ai bunhmi Karenpa tialmi chung in ka lak i kan hrawmh chinmi hna asi. Kawlram a harnak deuh hmunah Pathian rian a tuanmi pastor pakhat a um.

Teihpung angki pakhatte lawng a ngei i cucu zarhpi ni chiar ai hruk. Zarhte zanah an nu nih cu a teihpung angki cu zarhpi zing phungchimnak i i hruk a herh caah miphu a teih piak. Ruahlopin a taang zawn a kang. Avan zoh cu a taang zawn ngelcel asi. Akhu le a rim an van hmuh i an van theih le cangka an fanu hniangte nih phungchim ding a buaipi liomi a pa cu a va chimh.

Pastorpa cu a theih kaah a hmai a chia rup ve. Ava kal i an nu a hei zoh cu lephiat lai bang an nu a lautuk le a hmai a chiat tuk kha a hmuh tikah nih bute in Mah ka teihpung angki hi a hlun tuk cang. Kan member pawl zong nih mah angki lengmang an ka ti tawn. Thaizing thok cun tuchan sital in angki ban tawi he phung ka chim ve cang lai.

Zoh zong kai rem deuh lai. Kha teihpung kha cu kumthar- kum hlun thlennak zan i kai hruk te dingah ka fim piak ko.” a van ti vial cu an nu kha ai lawm tuk cang. Leklak a tho i an pa cu a kuh, a reh i hehtiah a hnamh. Cun a mitthli zong a tla ( Ka tial lio ah ka tah ha a mang ve). An hniang cem nu nih ” Ka nu a thluak a rawk cang” ati i an chungpiten an ni hna i an i lawm tuk hna.

Mah pastorpa te chung kong ka rel dih ahhin keimah le keimah bia ka hal. A hngar zong ka van hngar ngai hna. Chungkhar nuamhnak le lawmhnak hi inn tha le lo tha, hni le puan le fenhaih, rengsan le reng niamah a rak i hngat hrim lo hi teh ti kai fiang chinchin. Vawikhat cu America ram biakinn lianpi pakhat ah zarhpi zing pumhah an pastorpa nih bia a hal hna.

Atu kan pumh tian hin ngaihchiami an tam biknak hmunah kal u ti siseh law, khoikaah dah nan kal hnga?” tiah member pawl a hal hna. Tamcem nih an tinak cu, sizung, thonginn le sifak sangah an ti. Cun an pastorpa nih, ” Kei cu mirum sangah ka kal lai” a rak ti. Lawmhnak taktak le nuamhnak taktak a um lonak cu vawlei chaw le va le nuamhnak lawng a buaipi tu hna an si ati.

A hman ko. Cucaah Bawipa nih a kan pekmi NIHIN ah hin Bawipa thawng in chungkhar nuam a dirhmi pastorpa nun hi cawng hna usih. Akan pekmi van thluachuah le lei thluachuah rel hna usi law Sam catialtu nih ati bang i lawm usi law i nuam hna usih (Sam.118:24). Zarhpini laksawngah kan hawile SHARE ( HRAWMH) hna usih. Jesuh min in kan nawl hna. Credit: Thio Za ( Rev. Dr G Zathio)

Be the first to comment

Leave a Reply

Your email address will not be published.


*