US PRESIDENT DONALD TRUMP NIH A CHIM CANG HIH, ATURU KO LAI HIH

President Donald Trump nih supreme court i biaceihtu rian a lawngmi ah nu ka thim lai tiah nizan i North Carolina i election campaign a tuahnak hmun ah a chim. Hmaizarh chungah aho timi cu ka thanh lai, “A very talented, very brilliant woman a si lai tiah a chim. President Trump nih a thim lai tiah an zumhmi nu pahnih an min an chuak, Amy Coney Barrett le Barbara Lagoa ah pakhat khat an si lai tiah zumh a si.

President Trump nih biachahnak taktak cu hmaizarh chungah a tuah lai i a thanh colh lai ti a si. President Trump nih nominate a tuah hnu ah Senate Judiciary committee nih hearing an tuah lai i, an cohlan hnu ah Senator minung 100 chung i a tam deuh duhnak in fehter a si lai. President Trump nih 2016 election lio tein Supreme court i biaceihtu rian a lawn ahcun khrihfa hna zumhnak le US constitution ning tein a pommi conservative judge ka thim lai tiah bia a rak i kam bantuk in minung pahnih a thim hna hnu ah tutan hi a pa thumnak thim a timhmi a si. US evangelical khrihfa hna nih Donald Trump an ttanpinak cu mah ruangah hin a si.

Tuan deuh kong.President Donald Trump nih Ruth Ginsburg zaka ah a rannak in Supreme Court ah biaceihtu nominate tuah colh a timh. Khrihfa hna zumhnak a dirkamhtu biaceihtu minung 44 min cazin cu September 9 khan a chuak cang, Mah chungah Bridget Bade, (US Court of Appeals for the 9th Circuit) le Amy Coney Barrett, ( US Court of Appeals for the 7th Circuit) ah pakhat khat an si lai tiah zumh a si. Election tuahnak dingah ni 45 lawng a duh cang caah mah chungah fehter khawh hrimhrim a herhmi a si.

Thilsining Aliamciami:US biaceih zung sangbik Supreme Court i, baiceitu minung 9 lak ah pakhat a simi, justice Ruth Bader Ginburge kum 87 cu atu nai te ah cancer zawtnak in a nunnak liam. Liberal + Democrats pawl caah cun ngaihchia ngaingai a si. Liberal pawl a ttanh taktak mi le Conservative le khrihfa zumtu hna pomning a hua ngaingai tu a si.

President Trump nih amah zaka ah khrihfa zumtu hna a dirkamhtu conservative biaceihtu a thim than lai. Khrihfa tampi nih Donald Trump an ttanhnak cu Supreme Court ah Trump nih khrihfa zumtu tha biaceihtu a chiah lai i, khrihfa hna an zumhnak dirkamh le runven hi a si. Ruth Bader Ginsburg hi liberal ruahnak a ruh taktak mi a si.

President Trump nih conservative biaceihtu pakhat cu Senate ah a chuahpi lai. Senate Judiciary committee hruainak in biahalnak an tuah lai i, an cohlan hnu ah Senator 100 nih thimfung an thlak lai i, 50 nak tam thimfung in fehter a si lai. Senate ah hin Republican minung 53 le Democrats 47 [ Independent 2 hi democrats lei tang an si ] an um caah Republican senator hna nih fawi tein an fehter khawhmi a si. Credit: Salai Lairam Thang

Be the first to comment

Leave a Reply

Your email address will not be published.


*