US PRESIDENT DONALD TRUMP BIACHIM CU A MAK KO HIH

Mipi nih Dr. Fauci An Cawisanmi Kongah, Kei cu Hohmanh nih an Ka Uar Lo tiin Trump nih Capo a Thlaak Salam. Siai lei minthang Dr. Fauci mipi nih an cawithlirmi kongah President Donald Trump a tlokciar i, “kei tham cu hohmah nih an ka uar tal lo cu” tiin capo ah a thlak salam.Hi thil vialte kongah keimah lawnglawng hi thangthat tlak cu ka si, tiin Trump nih a chim.

Fauci hi coronavirus dohtu dingah Trump nih ai hmanmi mithiamsaang pakhat a si i, cozah minung vialte lakah zumhawk a tlakbikmi ah ai tel pinah, pulrai i tlunhter lo dingin fimcheuhnak a tuahmi tete pawl cu American mipi tamdeuh nih thatein an ngaihpiakmi pa zong a si.Fauci nih coronavirus hi thitha in a tawlrel kho lo. Cucaah., Nov. 3 i thimnak ni ah Democrat Joe Biden sinah a ka sunghter phah te lai, tiin Trump nih Fauci cu thalo in a thangchiat.

Virus thlopnak caah hydroxychoroquine sii hi a thami a si, tiin Trump nih a dirpimi cu Dr. Fauci nih a cohlanpi lo caah a tu bantukin an karlak i hmuhthiamlo nak a zual chinchin nak hi a si. Hi sii hi virus nih a tlunhka mi hna caah cun san a tlaituk, tiin Trump nih a ti peng ko rih.Hi sii hi coronavirus in a zawmi hna thlopnak ah hman hrimhrim ding a si lo, zeicahtiah minung kan lung le a dangdang a chiatchuah khotu sii a si, tiin siiai lei mithiamsang tampi nih an chim.

Hi sii hi santlaihnak a ngei taktak lo dawkaw, tiin mitampi nih an ti ko bu ah, kan hnung thla in khan cun virus thlopnak dingah hi sii hi hmang ko u, tiin US Foot and Drug Administration nih nawl an chuah.Fauci le Deborah Birx vial lawng si lo in, cozah lei minung kanmah pawl zong hi virus tawlrelnak kongah thangthat nan kan pek ve awk a si, tiin Trump nih a chim.

Fauci le a dang siiai lei riantuantu Dr. Deborah bantuk nih rem an ruahmi ning zulhin cozah lei kan riantuantu tampi zong amah he thazaang tampi an chuah ve ko. Fauci vial cu saang emem ah na cawithlir. Ziah, virus kongah kei le a cozah riantuanhawi vial cawithlir kan ton ruam ne lo? Thangthat le cawnglomh tlaak ngaingai dawkaw kan si ve, tiin Trump nih a chim.

Hi rian hi kan caah minung pakhat te lawng nih a tuan dihmi a si, hei ti phun cun amah lawng sangpi ah nan hei cawithlir. Kei vial cu hohmanh nih nan ka uar lo. A ngaingai ti ah cun hi vialte kongah hin keimah lawnglawng thangthat a tong ding cu ka si, tiin a chim.Tlawmpal in cun kan i ning chom lai i, rian lo in a ummi American mipi million tampi hna cu rian ah an lut than kho cang ko lai, tiin ruahchannak an rak ngei.

Asinain, naicikua hrawnghraang i virus in a zawmi le a thimi milu a karh lei a panh in cun cu an i ruahchannak vialte cu a zor ngaingai than cang. South le West ah a ummi US states 4 ah nikhat chungah virus in a thimi record an phaan. Rampumpi ah a thimi hi 150,000 an phan dengmang cang.Fauci hi a lungtlinnak ah siseh, a tlinlonak tete zongah siseh, president Trump zong hmaidalh tein bia a chim ngamtu a si bangin, amah lawnglawng hi White House chungah thla tampi chung biaalnak le ceihhmainak a tuahtu a si.

Tu kum deetka i China ah virus ai thokah tein khan Travel Ban tuah lo dingin Dr. Fauci nih ruahnak a ka cheuh tuk ko nain, a bia ngai duh lo in, Travel Ban cu ka tuah thiamthiam, tiah Trump nih a chim. Fauci dohdalnak kong capaar a tialtu Trump i a trade adviser Peter Navarro cu White House chief of staff Mark Deadows nih zapi hngaan ah thalo in a mawhchiat. Credit: Chelsea Bawi