US MIPI NAK IN BIDEN NIH RALHRANG ADAWT DEUH HNA

Biden Cozah: Terrorist First. Cuba ram Guantanamo tikulh thongah an hrenmi, 9/11 terrorist Khalid Sheikh Mohammed le thongtla vialte cu hmaizarh ah Covid-19 khamhnak si chunh ding ah Pentagon le Biden cozah nih an approve an tuah cang ti a si. American mipi hmanh nih vaccine ngah hlan ah terrorist pawl papek in vaccine an chunhmi cu American mipi zeirel lo a si” tiah 9/11 lio ah fire fighter a rak tuahmi, Tom Van Essen nih nizan ah The New York Post ah a chim.

The decision “F***king nuts” tiah a ti chap. Mah vaccine chunh dingah biachahnak a tuahtu hi Terry Adirim timi pa a si i, Joe Biden nih naite ah The Principal Deputy Assistant Secretary of Defense for health Affair rian a pekmi a si.American minung 328.2 million chungah million 22 hrawng lawng hi vaccine first dose an chunhmi an si.President Trump nih a dinh hlan te ah American mipi chunh dih hmasa ding, American First tiah President executive order a chuahmi cu Biden cozah nih an hrawh i pakpalawng ah a chuah. Credit: Salai Lairamthang

Thawngttha:US ttheuttheu hi an si ko, voikhat chunh bak ah covid zawtnak akham khotu vaccine an ser khawh cang. America ah sii-ai sertu company asimi Johnson & Johnson nih vawlei cung huapi test nak an tuah hnu ah covid zawtnak 66% a kham kho sii an ser chuah khawh cang nak kong an langhter. Mah an sermi vaccine hi voikhat chunh dingmi asi i, zawtnak akham khawhning zong hi 66% bak asi.

Sihmansehlaw thil pakhat a ummi tu cu zawtnak ngeihsual i, arianttuan ding mi a ven khawhning tucu 85% bak asi ve. Culawng siloin tulio zawtnak achuak tharmi Africa in a chuakmi zawtnak zong hi akham khawh ti asi. Mah vaccine hi voikhat i chunh bak in covid zawtnak fapi a chuak dingmi kha arunven khawh i, fahnak or zawtnak khamnak dingah biatak tein abawmh ti asi.

Hi thil an hmuhchuahmi hi vawlei caah abiapi taktak mi asi tiah an langhter.Voikhat bak lawng i chunh dingmi timi tu ah hin an ruahnak aidang cio hna i, WHO zong nih hi zawn hi cu biatak tein an ruah aphu ngaingai dingmi asi tiah an chim. Tutan ah an serchuahmi vaccine hi US cozah nih dose 100 million bak cawk a timh i, hnatlaknak zong an ngei cang ti asi. Cun dose 200 million zong cawk ding in an duh rih ti asi. US ngandamnak cu tutan an sermi nih hin a chawn cang lai tiah Dr Anthony Faucy nih a chim.

Be the first to comment

Leave a Reply

Your email address will not be published.


*