US COZAH BAWMHNAK LE UNEMPLOYMENT EXTRA 600

US Cozah Bawmhnak le Unemployment Extra $600.US federal cozah nih rian ngei lomi hna cu kan hnu April thla thawk in zarh khat ah $ 600 lengmang a chapmi hna cu White house, Republican hruaitu hna le Democratic party hruaitu hna an lung a khah lo caah thaizing July 31 ah a dih kho men.

Deparment of Labor nih tuchun ah report an pekning ahcun 1.45million nih unemployment benefit an sawk than tiah an thanh. Asinain kan hnu zarh chin nak cun tlawmpal an tlawm deuh ti a si.Republican party nih “The Heal Act” timi bill thar an chuahpi I, Federal cozah nih unemployment benefit a ngahmi, $600 a hlei in an chapmi kha $ 200 ah thumh dingin bialu bill an chuahpi.

A voihnihnak second stimulus bawmhnak chek tu cu a hlanning in minung pakhat $1200 le dependent le ngakchia poah nih minung pakhat ah $500 cio hmuh ding in an chuahpi. Minung pakhat nih kum khat income $99000 nak tam lo, nuva a simi nih kum khat income 198000 nak tam lo nih an hmuh khawh lai ti a si. Congress palai pawl nih August 7 hlan ah biachahnak an tuah khawh ahcun August thla chungah zapi sin ah bawmhnak a phan kho lai.

NASA Nih Mar Cungah Nunnak Ngeimi An Kawl Lai.US vanlei zohthiam, NASA nih Mar cungah nunnak a ngeimi an um le um lo va hlathlai dingah Florida I, Cape Canaveral Air Force base in tuzing sumilam 7:50 ah Rocket an thlah cang. Mar vawlei ah a kal khomi, rover seh in Alien le nunnak ngeimi pawl an kawl hna lai.

Mah rocket cu sumilam pakhat meng 10000 rang in a zuangmi a si. 2021 February 18 ah Mar a phan te lai. Mar cung an phak tik ah US$ 2.1billion dih in an sermi rover nih microscopic fossils timi pawl a kawl hna lai. NASA nih 2030 ah minung phan kho ding in an I zuam lio a si. Credit: Salai Lairamthang