US COZAH A UM KHO TI LO, KAWLRALKAP CUNGAH BIA APHUAN CANG

Kawlralkap cungah US nih thanhnak atuah tthan cang. Fiang koin US nih Kawlralkap cozah cungah Trade Sanction a phuan ko cang. Kawlralkap cozah phihkhar dantatnak konghe pehtlaiin US cozah nih thanhnak atuah cang. US cozah nih kawlralkap cungah Trade sanction thar atuah mi cu vawlei cung zapi theih in a phuan ruangmang cang.

US cozah nih kawlralkap cungah dantat phihkharnak athar in a tuahmi cu Myanmar Defense le Home Affairs ministry hna lawng siloin ralkap he pehtlaihnak angeimi chawlet chawhrawl pahnih Myanmar Economis Corporation le Myanmar Economic Holding Ltd hna cu chawleh chawhrawlnak kongah US cozah nih aphih hna tiah The Commerce Department nih a thanh.

Tutan ah Kawlralkap he aa pehtlaimi US cozah nih phihkharnak atuahmi ah US Commerce department nih cun tutan phihkharnak tuahmi hi chap chin lengmang lai maw lai lo timi cu an tuahsernak cungah a zohtthan lai tiah a langhter. Ralkap cawlcanghnak hi kan ngiat thlai peng lai i, an sualman cu an zun lengmang ko lai tiah alanghter rih.

Tutan ah US cozah nih phihkharnak kawlralkap cungah atuahnak a ruang bik cu nizan tihni March nithum ah lamzawhtu hna cungah a cangmi minung sawmthum le pariat an thihnak ruangah US cozah nih phihkharnak athar in atuah nak hi asi. Hi dantat phihkharnak ah hin ralkap hman dingmi thilri kawlram ah luhpi angah ti lo pin ah US company hna nih Kawlralkap caah thilri tthenkhat an phurhmi zong luhpi an khap chih.

Tutan ah kawlralkap hna nih rampi nawlngeihnak or uknak an lak hnu ah ramchung mipi hna nih biatak tein dohkalhnak or lamzawhnak an tuah hnu ah minung sualnak ngeilo rampi a him nak le a deihnak dingah a cawlcang mi hna cu minung 57 an nunnak aliam cang i, kawlralkap le palek hna nih an tleih mi hna hi minung thongkhat zasarih an si cang tiah an chim.

Abiapituk mi relchih:Tutan thawngthanhnak an tuahmi hi abiapi taktak mi a si caah, kanmah le chungkhat cingla rualchan ramchung ah Cozah rian attuanmi vialte chim hna usih. Cozah rianttuantu vun tikah ah CDM ah alut lomi hna caah asi. Hi bantuk thil thanhnak an tuahmi hi abiapi taktak mi asi cang. Athei cangmi zong nan um kho, asinain athei rih lomi caah kan langhter. Atanglei bangin thanhnak an tuahmi cu asi.

CDM i tel khawhnak caan a ni an tuk cang. Ralkap nih cozah nawlngeihnak or uknak an lak hnu ah cozah rian attuanmi le ttuan lomi, CDM ah ai telmi le tel lomi cazin vialte hna cu thaizing kiptuh March ni 7, zan suimilam 12 nak tlai lo ah kuat dih dingin CRPH nih Minister caah an thimmi Dr Kyaw Wei Soe nih social media hmangin thawngthanh nak a tuah cang.

Cun a pehrih mi cu March ni 7 in khin cun Civil Disobediance Movement ( CDM ) ah i tel khawh asi ti lai lo, khar a si cang lai. Cucaah atu tan hi a hnu bik nawlnak le sawmnak cu a si cang. CDM kutka pi cu kan khar cang lai. Curuang ah mithat hmang lei ah maw nan dir lai? Mipi lei ah dah nan dir lai biachahnak tuah cang uh tiah a cunglei langhtermi Dr Kyaw Wei Soe nih a chim.

Culawng siloin tutan lamzawhnak ah a nunnak aliammi hna upat peknak dingah zung zong ni 10 chung khar a si lai i, zung siseh sianginn vialte hna cu mipi thimmi cozah he lungthin khat tein le lungrual tein CDM ah aa telmi cozah rianttuantu hna he lamzawhnak tuah ding asi lai tiah a langhter chih. Cun CDM ah ai tel lomi hna cu March ni 8 in zung an kai ahau ti lai lo. Order kan chuah lai i, mipi thatnak ding zeiah arellomi hna ah kan phuan cang lai tiah apeh.

Biachap. A cung lei ah langhter cang bangin tuchun nitiang, Kawlralkap nih uknak an lak hnu ah CDM ah alutmi cozah rianttuantu hna hi minung tampi an si cang. CDM ah alut lomi cozah rianttuantu hna zong tampi an um rih. Acung lei ah thanhnak an tuah bangin nikhat hnih te lawng caan a um cang. Na/ka chungkhar cozah riantuantu CDM ah alut lomi an/kan um asi ahcun thawngthanhnak tuah cio hna usih.

Be the first to comment

Leave a Reply

Your email address will not be published.


*