US BUAINAK ALINSA CHIN LENGMANG CANG MINUNG THONGTAM PI AN KHAT DIH

US thimnak kong cu abuai chin lengmang ko cang, Donald Trump dirkamhtu minung thong tampi hna cu thimnak vote suaksam asi tiah Washington DC ah duhlonak an langhter cang. Hi duhlonak alanghtermi hna cu far-right group Proud Boys bantuk hna nih cun lukhuh i khuh in meithal kuan khamnak tiangin an i hruk i, an dirpi hna ti asi.

US thimnak cu November nithum ah khan tuah asi cang, hi thimnak ah Joe Biden nih teinak ahmuh tiah langhter dih asi. Joe Biden nih teinak ahmuhnak chungah Georgia state ah hin tuanbiathar an tial ti asi. Aliamcia kum 1992 hnu ah Democrat hna nih Georgia ah hin teinak an hmuh hmasa bik cu tutan thimnak hi asi tiah an langhter.

Hi konghe pehtlaiin thawngzamhnak tampi nih an langhterning ahcun Joe Biden nih hin electoral vote 306 a hmuh. President sikhawhnak dingah vote hi 270 hmuh ahaumi asi nain Joe biden nih cun tamtuk in ahmuh ti asi. Sihmanhsehlaw Donald Trump nih cun tutan thimnak hi adik lo tiah a sunghmi cu acohlang kho lo. State tthenkhat tazacuainak atuah i, atutiang ah adirhmun afiang rih lo ti asi.

Tutan duhlonak alanghtermi hna nih an timi cu fir hi ngol cang uh, March for Trump, Make America Great Again timi cakhanh he aphunphun in Donald Trump dirkamhnak an tuah. Hi konghe pehtlaiin Donald Trump nih nizan nirukni ah khan a chimmi cu Georgia ah ballot zohtthannak cu caan hlonh sawhsawh asi ko tiah a chim. Adik lomi cu minthut mi ah asi tiah a chim.

Asinain tehte pakhat hmanh alanghter chih lo tiah an chim. Culawng siloin buainak konghe pehtlaiin election officials hna nih an ti vemi cu tukum US thimnak tuahmi cu American tuanbia ah a him bikmi thimnak asi tiah an chim. Cun president donald Trump nih alunghrinhnak zong hi federal le state authority hna nih cun an cohlang lo tiah an langhter chih.

Donald Trump nih hin a term hnihnak pehzulh dingin ai zum ko tiah White House biachimnak le thanhnak nawlngeitu Kayleigh McEnany nih fox news thawngzamhnak ah a chim. Cun tutan ah teinak a hmumi Joe Biden hi cohlang ko cang tiah Donald Trump cu minung tampi hna nih an nawl cang ti asi. Theihcio bangin President hi phungning tein thanhnak tuahmi aum rih lo. Nain mipi hmuh ahcun Biden hi teinak ahmumi asi tiah langhter asi.

Be the first to comment

Leave a Reply

Your email address will not be published.


*