US BAWMHNAK TANGKA 501 MILLION AN FIR RAMH DIH

Maryland Ah Uemployment Benefit An Fir.US cozah nih rian ngei lomi hna caah Unemployment Benefit phaisa an pekmi hna chung in mi hrokhrawl hna nih million $501 an fir tiah Maryland Governor Lary Hogan nih a facebook ah a tial. A firtu hna hi minung 47,500 hrawng an si lai tiah zumh a si.

US citizen a simi hna, national identity le an data an fir hnu ah Unemployment bawmhnak an sawk I phaisa an chuah ti a si. A firtu minung tam deuh cu State dang minung an si an ti. Atui hi FBI nih hlat hlainak an tuah lio a si I, a rauh hlan ah an tlai hna lai tiah zumh a si. Federal cozah nih Pandemic Unemployment Assistant cu July 31 ah dither an timh cang.

Tuluk Nih Super Power Si A Tinh.Tuluk cozah nih Wuhan khua an virus hmang in vawleicung pumpi a kan zawter. Minung million 15 renglo Virus in a kan zawt ter. Minung 630,000 renglo a kan thah. Mizaw mi caah a herhmi PPE, Ventilator, Mask le supply chain vailte a kan zuarh i Tuluk cozah nih phaisa billion I a hui I an rum chinchin.

Ram tampi ahzung rian, private rian an khar caah vawleipi nih a sunghmi phaisa hi rel cawk ding a si lo. Asinain Tuluk cozah cu virus ruangah a rum chinchin.South China tikulh tampi zong a laak chap. Hong Kong zong ah security phung thar a ser I, an zalonnak a hrawh I, a rek hna. India he ramri an I cuh caah India rakap minung 20 a thah men hna.

India cu Virus nih a den ve hna caah China cu faak in an leh-rul kho lo. Australia cozah nih Virus a thawkning hlathlai dingah UN ah bialu a chuahpi caah China a thinhung I, Australia essential service le sizung pawl cu cyber attack a tuah colh. Taiwan ramri lonh in raltuknak vanlawng le tilawng in a tlirh lengmang hna. Tuluk President Xi nih Taiwan cu 2049 hlan ah laak ding in timhtuahnak a ngei ti a si. Cucaah Tuluk nih atu bantuk in Virus a thlah phoihter mi hi super power si a duh caah a tuahmi a si lai tiah zumh a si.

US Cozah Bawmhnak Second Stimulus Chek.President Donald Trump, White House Finance Secretary Mnuchin, Republican le Democrats hruaitu hna cu White house ah tonnak a ngei than I, avoi 2nak cozah bawmhnak kong ceihhmainak an ngei than. Tuchun ah a tlangpi an ceihmi ah a voi khatnak bawmh ning bantuk in si dawh a si.

Minung pakhat nih kum khat income $75000 in a tanglei a hmumi, nuva khuah khat nih kum khat hmuhmi, $ 150,000 in a tanglei a hmumi nih minung pakhat ah US$1200 an hmuh lai I, an fale pakhat nih $ 500 cio an hmuh lai. Federal cozah nih rian ngei lomi caah bawmhnak a pekmi zarh khat $ 600 kha $ 400 ah thumh an timh.

President Donald Trump nih Social Security payroll tax tlawm deuh pek ter I, hmuhmi tam ter ding in a timhmi cu Republican party bill thar ah a tel ti lo. Asinain biachahnak cu an tuah rih lo. White house le Republican nih Senate ah bill an chuahpi lai I, democrats nih an lungtlin pi colh ahcun rianrang deuh in ngah si te lai. Thaizing I biachahnak an tuah khawh lo ahcun hmaizarh chungah biachahnak tuah dawh an si.

White House Cafeteria An Khar. White House chungah a ummi, rawl einak, Cafeteria I riantuantu pakhat cu coronavirus zawtnak a ngeih caah Cafeteria cu an khar colh. Mah cafeteria cu The Eisenhower Executive Officer inn chungah a ummi a si. Tuzarh chung vialte cu khar dingah order an chuah cang I, zeitik an on than lai an chim kho rih lo. White house chung riantuan mi vialte cu hmai huh hman ding in an chimh cang hna. Credit: Salai Lairamthang