UAR A UM KHO TUK, DONALD TRUMP CU MINTHAR AN PEK CANG HIH

US President Donald Trump hi uar lo awk hrimhrim a rak ttha lo timi fiangtein hmuh khawh asi cang. Atu ahcun remnak a chuahtertu Donald Trump tiah minthar pek in an kawh auh cang. Thimnak lio ah khan Donald Trump cu ralpi a chuahtertu a si lai tiah an rak ti. Sihmanhsehlaw kum 4 chung president rian a vun tlaih bak cun remnak a chuahtertu tiah an ti cang.

Vawleipi thin a phantertu North Korea cu Trump nih a voikhatnak bik ah remnak a tuahpi thok in North Korea adai. Cun IS ralhrang ttihnung hna cu zeihmanh tuah kho loin a tuah tthan hna. Cun Uico le meheh bangin aa huami UAE le Israel hna cu remnak atuahpi cang hna. UAE hi Donald Trump a dirkamh taktak mi an sipin ah Israel zong Trump dirkamhtu an si rih.

President Donald Trump nih hnatlaknak an tuahmi ah Judah, Islam le Khristianity hna thlahtu Abraham min cawi in Abraham Accord tiah min apek. Donald Trump thawngin UAE le Israel karlak ah remnak biapi a chuahter i, Israel le Gulf Arab hna cu PEACE DEAL a voikhatnak an tuah. Hi nih tthawnnak zong apek hna ti asi. Aruang cu Trump nih OBAMA Policy nih a zohkhanhmi Iran kong adonghter caah asi tiah an chim.

Obama nih khan Israel ral asimi Iran cu biatak tein arak dirkamh tiah an langhter pin ah Billions tam taktak pek atimh tiah an rak ti. Cun Joe Biden zong nih President ka si tikah Obama Policy hi ka thar chuah lai tiah a rak chim i, Iran NUclear deal zong nunter ding biakamnak a rak tuah ti asi.

Joe Biden nih President ka si ahcun Donald Trump nih Muslim khamnak atuahmi vialte zong ka donghter dih lai tiah a ti rih. Tutan ah Historic Peace Agreement an tuahmi Israel caah abiapi taktak mi asinak pakhat cu UAE nih hin Israel cu Ram tthenkhat bantuk in a rak cohlang lo. Atu ah cun a cohlan cang ti asi.

Cun UAE nih hin Israel minung hna cu a ramchung ah luhter a rak duh hna lo. Atu ahcun a cohlang cang hna lai. Direct Vanlong zong arak um ballo mi kha aum cang lai. Cupin ah chawleh ttinak angei lomi zong kha an ngei tti cang lai. UAE le Israel Donald Trump cungah lawmhnak bia zong an chim cang.

Middle East ah thawngttha taktak a cangmi hi thawngzamhnak hna nih thuhnawh dih an timh ti asi. THil sining atheimi hna nih cun Donald Trump thawng lawngte in vawleipi hi remnak in akal tiah an chim cang. Sihmanhsehlaw Donald Trump thilttha atuahmi hi thawngzamhtu hna nih thuhnawh dih an timh lengmang caah asi ko tiah an langhter.

Thiltha atuahmi vialte zoh tikah Donald Trump hi Noble Peace Prize pek aphu tiah an chim. Zeicaah tiah Obama hmanh President a ttuan ka in zeihmanh atuah manh lo cubu cun pei Noble Prize an pek ko cu, laksawng an pek khawh bak in Middle East ram cu ttihnung in bomb athlak peng tiah an ti.

Be the first to comment

Leave a Reply

Your email address will not be published.


*