TUTAN THIL ACANGMI CU KHUARUAHHAR NGAINGAI ASI KO CANG

Tutan US thimnak kong cu thawngpang an langhter chin lengmang ko cang. Atutan thimnak ah teinak ahmu tiah mipi vialte nih zumh le an thanhmi Joe Biden cu teinak ahmu tthan tiah an fehter tthan cang.Hi konghe pehtlaiin Nizan Ca cawn ninga ni (friday an mah lei) ah khan President Trump nih ‘legal’ vote rel ding le vote relthan nak in a challenge hna.

Sihmanhsehlaw a zuamcawhnak hna cu an tuah hnu ah Georgia state ah Biden nih tei nak a hmuh than hnu ah president ding in a tling nak cu a van fek ter than hi asi. Edison Research nih a chim ning ah cun vote tam bik nak ah ruah mi North Carolina cu Trump nih laa ko hmanh sehlaw, a donghnak result cu Biden nih ‘306’ leh Trump nih 232 tiah an hmuh.

Hi vote number hna nih hin Joe Biden cu tei nak pek in kum 2016 lio i Trump nih Hillary Clinton lak ah tei nak a rak hmuh bantuk kha asi. Kha lio khan Trump nih cun ‘Landslide’ a tlung a rak ti kha. Donald Trump nih a sungh nak cu pom duh/ kho rih lo hmanh seh law Biden nih cun kan tuah dingmi thil tete pawl cu kan tuah thluamah ko cang lai tiah achim. Source: TIO

Relchih: Donald Trump. New York Cu Covid Rai Khamnak Sii Ka Pe Lai Lo. Tu chun kha Trump nih Election dih hnu i Ah a voikhatnak bik Press Conference a tuah i Covid19 kong tam nawn a chim. Coronavirus khamsii hi keimah lo a dang hohmanh nih mah tluk rang in a ser kho lai lo tiah hman khawh nakding ah 10% hrawng lawng aa duh cangmi Pfizer le German BioNTech sermi sii kong ah Credit​ aa lak.

USA ramthen vialte kan pek dih hna lai nain New York belte hi an Governor Cuomo nih raikhamsii a zumhraih tak lo ahcun kan pe hna lai lo, tiah a chim chih. Governor Andrew M. Cuomo hi Democratic a si i Trump nih a ralaimi thla hnih chung ah Covid raikhamsii a tawlrel ahcun politics a tuahnak lai ti a phan kong a chim caah Trump nih mah ti a lehmi cu a si.

Rai khamsii hi EU zong nih an cah ve caah USA ah a zatawk a um rih lo i Trump nih amah tanhtu Republican States pawl lawng a pek hnmasa sual hna lai ti a phang. Mah Press Conference ah cun Election kong kaa khat hmanh a chim duh lo. Asinain USA hi Lockdown ka tuah lai lo, kan tuah ahcun minung nunnak a liam kho. Mi zeidah cozah tlai lai timi cu caan nih a chim te lai, tiah Trump nih a chim. Credit: Teirial Cattialtu.

Be the first to comment

Leave a Reply

Your email address will not be published.


*