TULUK CU THINPHAN DAILO BAK ASI CANG, PRESIDENT NIH BIA ACHIM CANG

Tuluk cu timhtuahnak cu thinphan dailo bak asi cang. Tuluk president nih thatein a ralkap pawl hna cu biaro a vuih cang hna. Tuluk President Xi Jinping cu Guangdong Province ah a ummi Ralkap pawl hna cu a va vehvat hna. Cu vehvatnak a tuah lio ah a chimmi cu ramri kongah nan thinlung put daithlang hlah uh, nan ruahnak le nan thinlung vialte hna cu raltuk dingah timhcia in um peng uh tiah a chimh hna.

Tuluk cu atulio ah ramri konghe pehtlaiin ram innpa a simi India he biatak tein an karlak ah thawngpang a linhsat saling te a si. Ramri kongah atubantuk in Tuluk President nih a ralkap pawl biaro a vuih or a cah mi hna hi a sawhsawh thil asi lo. Ralkap pawl hna timhtuahnak sangbik he ready tein um cang uh tiah a chimh hna. Hi bia Chaozhou khuapi ah a ummi PLA Marine Corps hna sin ah a chim.

Hi konghe pehtlaiin Tuluk President Xi Jinping cu Shenzhen Special Economic Zone 40th Anniversary zong ah biachimnak angei rih ti asi. Naite ah khan rampi pahnih India le Tuluk ralkap lutlai hna cu suimilam 11 chung ton biaruahnak an ngei ti asi. Ton biaruahnak an ngeih hnu ah a tubantuk in Tuluk President nih a ralkap hna sin ah hi bia hi a chimmi asi.

Rampi pahnih ton biaruahnak hi a tlamtling ngaingai ko tiah an langhter a sinain ton biaruahnak an ngeih hnu ah India nih cawn nikhat ni ah khan Ladakh le Arunachal ah hlei pahleiruk bak onnak a tuah caah Tuluk hi an lungtlin lo pah caah asi lai tiah an zumh. India le Tuluk hi an i phomh taktak te hnga maw tiah minung tampi nih an cuanh cuahmah lio hna asi.

Relchih thluak tthatnak kong: Ka thluak ttha seh tiah aduhmi paoh nih Putinan ei lengmang ding asi. Thiamsang hna nih dottletnak an tuahmi ah Puttinan hi thluak tthatnak asi tiah an hmuhchuah. Cucu lakphakti ah Puttinan an thlak mi in thluak tthatnak a si timi hi an hmuh chuah mi asi. Putinan cu Laimi zong nih kan duh ngaingai mi thil pakhat asi. Aman zong a fakmi thil a si lo. Cun Laimi tthenkhat hna nih cun kanmah le inn pawngkam ah kan cin cio hna i, a ei hmanh kan ei cawk lo.

Laimi tampi nih kan theih ning cun Putinan hi mitkuh thawtnak asi tiah rak ti lengmang mi asi. Sihmanhsehlaw atu ahcun Thluak tthatnak asi timi an vun hmuhchuah tthan tikah eipiak lengmang ding asi cang. Northumbria University ah thiamsang a simi Dr Mark Moss le Robert Jones, Cun Lucy Moss hna nih hi konghe pehtlaiin dottletnak an tuah. Dottletnak an tuahmi chungah an hmuhchuah mi cu British Psychological Society Annual Conference, Nottingham ah tlangzarhnak zong an tuah cang mi a si.

Cu an hmuhchuah mi cu Minung 180 hna cungah hi dottletnak kan tuahmi asi. Putinan kha Lakphakti ah kan cawh in kan dinter hna. Cun Tilum zong kan inter hna. An din hlan ah hin biahalnak tuahter an si. An din hnu minute 20 hrawnghrang ah an thluak kha kan test tthan hna i, biahalnak dang lehnak tuahter tthan an si.

Cucu ticun hihi kan hmuhchuah mi asi.Putinan lakphakti ah telh minung hna cu an thluak an memory a ttha deuh tiah an chim. Putinan cu tluak tthatnak a si caah minung tampi hna nih eipiak lengmang ding asi i, Lakphakti zongah telh in din leng mang ding asi timi kha an hmuhchuah. Pumpak cio zong nih lakphakti ah telh lengmang ve hna usih. Ram tthenkhat ahcun Lakphakti ah hin Aithing siseh Putinan atelh mi an um cang ti asi. TIO

Be the first to comment

Leave a Reply

Your email address will not be published.


*