TULUK CAAH THAWNGPANG CHIA US HOUSE NIH BIACHAHNAK ATUAH

US le Tuluk karlak ah thawngpang chia taktak mi pakhat a hung chuak hoi cang. US House nih Chinese Bank kongah biachahnak a tuah khawh cang. Chinese Bank phihkharnak tuah dingah an chuahpi mi bill cu US house nih cohlan nak an tuah cang. Hi konghe pehtlaiin a tanglei bantuk in thawng thanhnak an tuah.

Tuluk cozah nih Hong Kong caah timhtuahnak a ngeihmi National Security Law kongah US cozah an lung atling lo. Hong Kong caah Tuluk cozah nih phunglam thar a tuahmi kan duh lo timi langhternak caah atu bantuk in China Official hna he pehtlaihnak angeimi China Bank cu phihkharnak tuah dingin timhlamhnak an ngei i, cucu House nih a pass cang.

Tutan ah Tuluk Bank cozah he pehtlaihnak a ngeimi phihkharnak tuah dingin US House nih caihmainak an tuah lio ah hin chungtel member vialte hna nih lungrual taktak in an cohlan dih ti a si. Hi bill an pass mi hi Senate ah an kuat tthan. Cuticun President nih cohlannak tuah ding or min athut hlan White House ah kuat a si hlan ah cohlannak an tuah ahau ve dingmi asi.

Hi konghe pehtlaiin US House Speaker Nancy Pelosi nih a timi cu House Foreign Affairs Committee hna nih hin Hong Kong dirhmun le sining an caihkhannak ah Tuluk cozah nih Hong Kong caah a sermi Security law hi a hman lomi asi. Hi phunglam thar an tuahmi nih hin Ram pakhat, Systems Pahnih ( One Country, Two Systems) dih donghternak asi.

Hi phunglam ser tharmi nih hin One Country, Two Systems donghter an timh mi a si. Culawng siloin hi phunglam an sermi hi Hong Kong mipi vialte an zalonnak hrawhhral timhnak phunglam asi i, mipi cawl kho loin tuah an timhmi hna a si tiah a chim. Hi phunglam an sermi hi Vawleicung ramkip nih an duh lo taktak mi zong a si.