TULUK A THINHUNG CANG, KAWLRALKAP CAAH THINPHANG TAKTAK SI CANG

Ralhrang Kawlralkap hna nih Tuluk thin an hunter cang. Tuluk nih a tu voikhat na tuah tthan rih a si ahcun hriamnam in kan phomh lai cang tiah ralhrang kawlralkap pawl ralrinnak an pek cang hna. Hi konghe pehtlaiin Tuluk nih ralhrang kawlralkap sin ah theihternak a tuahmi cu August nili le ninga Kawlram chungah kahdohnak ah kuanfang tthenkhat cu Tuluk ramchung ah a tla.

Cu kuanfang a tlami nih cun inn tthenkhat a khanh. Cun atu hrawnghrang ramri ah kahdohnak a um peng i, Tuluk ramchung ah kuanfang a lut lengmang. Hibantuk thil hi kawlram he remdaih hnatlaknak kan tuahmi kalh a si pin ah ramri ah a ummi Tuluk mipi him loin nan tuah hna. Cucaah hi konghi biapi ngai ah kan chiah mi a si.

August ninga ah Kawlram palai U Myo That zong biaruahnak kan ngeih dih cang i, ramri ah kahdohnak tuah lo dingin siseh ramri cu ram pahnih nih kilven zohkhanh dingah theihternak zong kan tuah. Hi hnu ah ramri lila ah kahdohnak a chuah tthan i Tuluk ramchung ah kuanfang a tlak tthan rih a si ahcun kan in kah ve cang hna lai tiah cakuat ahcun an langhter.

No description available.

Salai Ceu Bik Thawng Cabia: USDP Party chungtel hna sinah nawlnak! (Thisen aa nehmi na party kha kaltak law mipi dothlennak ah kan telpi ve cang tuah).Tutan uknak chuh(coup) hi Min Aung Hlaing le Kawl ralkap lawng nih tuahmi a si lo i USDP party upa le an founder pu Than Shwe zong nih an telpi hih. Cucu zapi theih a si ko i tutan ah Irrawaddy Media nih fiangrang tein a tial ko hih. MAH dirhmi cozah cabinet ah USDP vice-chairman U Khin Yi le Thein Sein cozah lio minister hlun minung 6 bak an i tel.

Laitlang SAC Council chungtel pakhat nih an ka sawm lioah ka al hna nain kan pu Thein Sein nih phone a ka chawnh i rak tuan ko, cansau si lailo cuh a ka ti caah kaa awtmi a si tiah a ka chimh. USDP/Thein Sein te nih ramthen kip an party upa pawl kha meeting an tuahpi tawn hna i SAC riantuannak ah alamkip in bawmh dingin khua an khanpi hna (bawmhnak rian zong an tuan). Dalan le Pyo-Saw-Htee damiah a tamdeuh (an dihlak si lo hmanh ah) cu USDP chungtel an si. USDP chungtel dihlak kha MAH le rallokap lei ttang an si tinak si lo nain USDP upa le chungtel tamdeuh cu hi ramrawitu ah an itel.

Cucaah USDP an chahnak deuh khua, peng le ramthen poh ah mipi kan dothlennak thazang a zor i tii a zut deuh. Nihin ni hi party ramkhel can a si lo. Party in khuaruah le ttan len can zong asi lo. Mipi dihlak kan i fun i MAH le uico rallokap doh le thlen a herh lio can a si. Cu lioah USDP cheukhat (an dihlak si lo) pawl nih rallokap lainawng damiah lei i nan ttan rih hi cu ngaihchia taktak a si. Fih a nungmi nunzia a si. Nan kut ah thisen aa nalh ve.Cucaah, kan miphun hawi USDP party chungtel hna, Nan party le nan pu le kut ah mipi thisen tamtuk aa neh caah, Hi nan ramhuai party hi nan kaltak kho lai maw?

Cozah riantuanmi hmanh nih an pawcawmnak rian kha an kaltak ngam i CDM an luh ngam lioah zeihmanh eibar a chuak lomi le thisen aa nehmi (khuachia le sehtan lungput a ngeimi) party hi zeiruangah dah na tlaihchan i na chuahtak khawh lo? Nan khua, nan peng le ramthen committee dihlak in party chuahnak ca tial/thanh uhlaw zeitluk in dah mipi kan ilawm lai i Min Aung Hlaing a lung a fah lai! Kan Pathian zong aa lawm lai lo maw? Party chungtel sinak in na chuah khawh lo hmanh ah USDP party ka si nain, aa-na-ting hi ka cohlang lo i mipi dothlennak ah kaa tel ve ko (lai) ti tal kha na kiangkap le mipi theih in na thanh kho lai lo maw?

Kei cu kaa tel lemlo” tiah dai tein um sawhsawh a ngah lo. USDP chungtel na si rih tikah le zapi sinah na dirhmun na langhter lo tikah na kiangkap nih covid zawtnak tluk in kan in ttih i kan in uhtanh kha na ruah a hau. Khrifa tha pakhat a simi nih a herh lo (party ruang men ah) mipi retheih phurtu si kha na duh awk a si lo. Cucu, pumpak le buu huat ruangah chimmi si lo. Idawt ruang tu a si. Dirhmun thlennak caah acan liam rih lo. Miphun le ram caah tii zut loin dirti a herh tuk lio can a si caah a si. Toidornak he, Salai Ceu Bik Thawng

Be the first to comment

Leave a Reply

Your email address will not be published.


*