TULUK A LUNG AA THLENG CANG INN KA A ON CANG

Zawtnak ttihnung Coronavirus dotthletnak tuah dingin Tuluk ah an choi cang lai. Hi konghe pehtlaiin WHO nih thanhnak an tuahmi cu zawtnak Coronavirus a chuahning cang tlamtling tein dottletnak tuah ding le hi zawtnak minung sin ah arak kaining vialte dottletnak tuah dingin tuzarh chungah thiamsang hna cu Tuluk ah a thlah cang hna lai.

Hi zawtnak kong dottletnak an tuah chung hi thlapa thlaruk leng a rau ding mi a si tiah an langhter chih. Hi konghe pehtlaiin WHO nih aliamcia January thlachung ah khan Tuluk cu na ramchung ah thiamsang thlah an si lai tiah an rak ti. Asinain Tuluk cozah nih an rak duh lo i, WHO khuakhan lairelnak cu an rak hlawt cang.

WHO nih Tuluk ramchungah Coronavirus dottletnak tuah dingin Tuluk cozah nih atubantuk in innka kaupi in an onmi cungah siseh dottletnak tuah khawh asi cang lai caah lawmhnak in kan khat ko tiah WHO Director General Dr Tedros Adhanom Ghebreyesus nih a chim. Culawng siloin a peh tthan rih mi atanglei bangin a si.

Hi zawtnak coronavirus a hrihhram pi theih khawh asi ahcun i runvennak konglam siseh a ralai dingmi caan zeitindah rian kan ttuan lai mi zong fiang deuh le fawi deuh tein theih khawh asi cang lai i, aa ning cang ngai ko lai tiah a chim chih. Zawtnak a chuahnak kongkau ah hin US hruaitu pahnih nih cun hitihin an rak chim.

US ram hruaitu pahnih President Donald Trump le Secretary of state Mike Pompeo nih an timi cu zawtnak coronavirus hi China Laboratory in a rak chuak mi a si tiah an chim. Asinain hi zawtnak a chuahning kongkau ah fiang hlang tein zawtnak a chuah ning hi hohmanh nih an thei kho lo i, an zumhning cio in an chim hna ti a si.

Tthenkhat nih an ti tthan rih mi cu coronavirus zawtnak cu Tuluk nih timhciammam tein an serchuah mi a si tiah atimi zong an um rih. Tthenkhat nih cun hi zawtnak hi amah tein aa semmi thil asi ko tiah atimi an ve tthiamtthiam. Tuluk nih cun US ralkap nih an rak luhpi mi asi tiah an rak ti ve. Pathian bia lei in hi zawtnak cu Pathian dantatnak asi tiah atimi zong an um ve rih.

Hi zawtnak kong fiangfai tein dottletnak tuah dingah Tuluk nih innka kaupi in a on cang i, WHO nih timhtuahnak angeih mi vialte Tuluk cozah nih an cohlan piak cang hna i, tuzarh chungah Thiamsang hna cu Tuluk ramchung ah an lut cang lai. WHO nih dottletnak tuah dingin biachahnak le timhtuahnak angeih mi cungah lawmh a um ngai ti zong langhter chih asi.