TULIO BIACAIH ZUNG DIRHMUN AN PHUAN CANG HIH, TRUMP LEI ATTHA BAK

Tulio US Election buainak kong i, State Pathum ah tazacuainak dirhmun vun langhter usih. Mah state pathum dang, Pennsylvania ah hin Electoral vote 20 a um i, Michigan ah hin Electoral vote 16 a um. Cun Wisconsin ah hin electoral vote 10 a um. Adih lak in electoral vote hi 46 a um. Vote kong ah abuaimi state paruk telloin Biden nih vote ahmuh mi hi 227 asi. Cun hi state abuaimi paruk telloin Trump nih vote ahmuh mi hi 232 asi.

Theihcio bangin US ah hin state 50 a um. Tutan ah state pathum ah tazacuainak aumnak aruang bik cu thimnak tuah lio ah athi cangmi minung thongkul renglo hna nih vote an thlak caah asi i, post in vote in vote an thlak ruangah siseh, vote athlami chungah theihlomi an tam ruang ah siseh, voter register nak tam in vote aum ruang ah siseh,

Cun Ballot paper alem serchom in zantlai ah siseh zinglei suimilam pali hrawngah athlithup in vote aphanmi hi ating renglo cu Biden vote lawngte asi ruangah siseh etc.. aum caah asi. Hi ruangah Supreme Court tiang an phaknak cu asi i, an konglam ceih asinak zong asi. Cun hi kongah Department of Justice hruaitu lutlai Attorney General William Barr zong nih dottletnak tuah dingin order tiang arak chuah kha mu.

Cun Donald Trump dirkamhtu hna nih tehte tam taktak an langhter i, mi konghe pehtlaiin dottletnak an tuah cuahmah lio asi. Hi konglam ttial cuahmah lio ah hin teinak cu kan hmu ko cang asi lo maw tiah minung tampi nih an langhter cang. Hi konghe pehtlaiin Dr Steve Turley nih atimi cu Court nih ningcang lo vote tampi an hlonh cang caah Pennsylvania le Michigan ah cun Republican an awng tiah a chim ve. Asinain court khuakhan lairelnak cu kalpi cuahmah asi caah lungsautein hngakcio ko uh tiah a chim. Note: Thawngzamhnak nih hin anlanghter ning aidang cio caah azei hi dah ahman laimi tuhi theih ahar ngaingai.

Hihi relchih: US president Donald Trump kongah aphunphun in thawngpang an langhtermi hi ningcang lo atam taktak, Thawngzamhnak ngan kan timi vialte hna zong nih Donald Trump thatnak achimmi ahohmanh an um lo tihi tutan ah i fian ngaingai ahau. Hi konghe pehtlaiin tutan Donald Trump atu tiang a dirhmun thawngpang dik ni alanghter ning ahcun adirhmun attha ngaingai.

Donald Trump nih vote 232 a hmuh i, Joe Biden nih cun vote 227 lawng a hmuh tiah The Epoch Times nih alanghter. Donald Trump nih vote 232 a hmuhnak aruang bik cu hitihin an langhter. CNN nih Trump vote ahmuh mi 214 tiah alanghtermi kha Electoral vote pathum a umnak Alaska le vote 15 a umnak North Carolina vote an reltthan hnu ah Trump nih teinak a hmuh.

Hi konghi thawngzamhnak kip nih siseh CNN zong nih second panga tluk attial manh nain a delete tthan tiah an chim. Phungning tein cun khoika state hmanh nih teinak ahmumi hi an um rih lo tiah an chim. Atu ah hin buainak ruangah vote reltthan nak hmun state pahum Nevada le Arizona cun Georgia hna hi an dih kho rih lo. Tlawmpal te lawng atang cang ti asi.

Atu an relcuahmah hmun Nevada ah hin Electoral vote paruk a um i, Arizona ah hin electoral vote hleikhat a um. Cun Georgia ah hin electoral vote hleiruk a um. Hi hmun ah hin hodah teinak ahmu lai timi thilsining an cuanh tthup lio asi. Vote kongah abuai ngaingai caah zumtu hna nih thlacamnak zong in kan bawmh hna ahau cang. Credit: Dr PC Biak Siam.

Be the first to comment

Leave a Reply

Your email address will not be published.


*