TUCHUN AH UN NIH KAWLRAM KONG AN CEIHMI AH ZEIDAH A CANG

Nihin ah UN Security Council nih emergency meeting an tuahmi he pehtlai in statement an chuah kho lo. A ruang cu, China le Russia aiawh nih kan Pule sinah kan ceihmi hi kan chuahpi hmasa lai tiah an ti. Meeting belte pehzulh ding an ti. US Foreign Policy he pehtlaih in campaign lio ah an chim ngaimi cu, China dirh-awnh/tei ding ahhin keimah ka ttha deuh tiah Joe le Trump cu fak ngai in an rak izuam bantuk in,

Joe Bidden Cozah le China cu Myanmar ah biatak tein iphawmh dawh an si cang. Ralkap nih Coup an tuahmi cung ah China nih bia fak an chim duh lo. “Nan karlak ah rualrem tein buainak dihter izuam u” an ti sawh. China Cozah nihcun nawlngeitu a simi paoh he riantuanti ding ready an si tiah zumh cio a si.Nihin US ralkap, The Pentagon nih briefing an tuahmi ah US ralkap hmannak ding a ruang kan hmuh rih lo tiah an chim.

Cun, Joe Bidden nih kan kawikom ram he a herh ning in kan ttuan ti lai tiah a ti i, Chawlehnak lei dandatnak tuah tthan ding in a tlerh hna. US le a hawikom ram hna nih Myanamr cu Economic sanctions fak nawn in tuah hna sehlaw, China nih a tuah ve ttung lo ahcun, Myanmar ram cu China kut ah chanh bantuk a si hnga tiah tampi nih an zumh. A bik in Myanamr hi “China Money trap”/ China Phaisa sal ah ai chuah colh lai tiah an zumh.

Cucaah, tulio hi China le US cu Global Leadership, Super Power sinak aa cuh cuahmahmi an si caah, Joe Bidden Cozah caahcun, Myanmar ram, Military Coup cungah hmalakning hi a caah challenge a von ngeihmi a si tiah an chim cio. Zeitluk fak le tthat indah hma a lak khawh te lai? Nihin tiang ahcun ramkip nih Statement an chuah ciomi zoh tikah, very weak a si. Abik in Asia ram pawl an statement hi a der khun. USA le Australia hi an bia a fak bik. Tutan Kawl ralkap nih Coup an tuahning zoh tikah, caan tampi timh cia tein an tuahmi a si tikah, ram chung a ummi ca zong ah cawlcangh ning an khuaruah a pit cio ko. Credit. Za Sang Cinzah.

Arelrih Lomi Caah Thawngpang:Chin State Chief Minister Ah Pu Terrace San Mawi Nikhuai An Chiah. Tulio Thawngpang. General Min Aung Hlaing hruaimi Ralkap Cozah nih cun 2/2/2021 ah The Union Administration Council cu Ralbawi General 8 le Taingyinta 3 he fonh in 11 Members in an dirh cangi, States le Regions 12 ah Chairmen (CM)an chiah dih hna i, Tanintary Taing le Yangon Taing cu hi caa ka tial lio tiang an chiah rih loh.

Khuaruah har asi ngai mi cu, KNU Hruaitu Phadu Mann Nyein Maung le Shan le Mon hriamtlai hlun U Khin Maung Shwe le U Thein Nyunt cu CEC ah an i tel ve. Cun, UEC Chairman thar ah 2020 i U Thein Shein Cozah lio i Mifel tak an timi U Thein Shoe le EC Members 5 an chiah than. UEC Chairman hlun U Hlah Thein le EC U Myint Hniang cu Ralkap nih an tlaih hnu in an umnak theih an si ti loh. Chin State Cozah thar Chairman( CM) ah Pu Terrece San Mawi Nikhuai cu an chiah cang.

Amah hi Chinmi nih Sibawipi Minthang hmasa bik kan neih mi Dr. Nikhuai(MBBS,FRCS London) fapa Upa asi i, Chin State High Court ah Chief Justice a tuan lio mi asi. Politics lei zongah a tel bel lomi asi. Falam peng Lumte Khua an si. Dr. Nikhuai Pa hi Chinmi lakah British Army Major rank a hmu hmasa bik asi i, Cu hnu PM Unu chan lio ah khan,Circle Chairman,Chinhills a rak tuan. An Pafa in Burma ram Civil Awards Wanah Kyawthin an rak pek ve ve hna. Pu Zo Bawi le Pu Soe Htet le Midang cu 266 Rungtlang Ralkap Camp ah hren an si rih ti’ah theih asi.

NLD Cozah hlun Ministers le MP pawl cu Tuzarh chungah Cozah an Bungalows(Inn) chuah tak dih dingin nawl pek an si cangi,hmai February 10-15 karlakah Cozah Ministers thar pawl an phan cang lai i, Chin State Phyne Hluatdaw Zungpi cu Ralkap Cozah thar nih tu thla February thlacheu hnu’in cun an hmang cang lai tiah thawngpang theih asi. Credit: MC Biklian.

Be the first to comment

Leave a Reply

Your email address will not be published.


*