TUANVO NGEITU PROFESSOR KRISTIAN BIARUAHNAK AN NGEIH MI

Pi Aung San Suu Kyi laksawng a rak petu Noble Peace Prize Committee sinah kawlram buainak i ai CDM mi hi deihnak laksawng co an phu tiah ca a aptu lakah tuanvo ngeitu bik a simi Professor Kristian Stokka he tlawmpal biaruahnak le an ca. CMpage: Tutan Kawlram kongah Nobel Peace Prize Committee sin nan chuahpi mi kong tlawmpal.

Kristian: A biapi bikin kan ruahmi cu ning cang loin a cawlcanghmi ralkap pawl hi mipi cawlcanghnak in a tei khawh ko tihi a si. Chikhat ca long si loin hmailei pi tiang a kal mi zauk phung a si khawhnak tiang cawlcanghnak a si dingin kan duhmi a si. Miphun, Biaknak, nu le pa tiin tleidannak le tthennak a tam ngaimi ram Myanma hi ram thar, Myanmar thar sernak caah mipi cawlcanghnak hi a si dingin kan duhmi a si. Cucaah zauk phung hmuhnak ding caah ramchung le ramleng in cawlcangh hi a biapi tukmi a si.

No photo description available.

CMpage: Zeitik ahdah committee sin nan apmi ca hi a phi nan hmuh te lai? Kristian: Aphi hi kum 2022 lei hmuh ding a si nain tuan deuh in a phi kan hmuh ding zongah kan i ruah chih ko. CMpage: Nan itimhmi zeidah a si? Cun nan hal bantukin kan hmuh ko lai tiah zumhnak nan ngei maw?

No photo description available.

Kristian: Kan I timhmi cu zauk phung (Democracy) cawlcanghnak hi mipi nih theihpi le deihnak laksawng pek ding hi a si. Deihnak laksawng (Noble Peace Prize) theng kan co lai kan tinak a si lo. Nain mipi cawlcanghnak hi Noble Peace Price i riantuantu pawl nih an theih pi hna I vawlei pi nih a theih pi ding hi kan duh mi a si. Theihpi tlak le laksawng pek tlak zong an si fawn. Myanmar ram mi nangmah long na si lo kan in dirkamh timi hika in kan langhter.

No photo description available.

CMpage: CRPH cawlcanghnak na hmuhning? Kristian: Mipi duhmi zaukphung (democracy) hmuhnak caah a biapi mi cawlcanghnak a si. CMpage: Nobel Peace Prize Committee sin catialtu nangmah le na hawi le panga kong tlawmpal.Kristian: Ka hawile panga hi Oslo ah riantuan mi Professor an si.Kawlram kong a theih tuk mi an si lo nain Democracy kong lei in min ngei an si. A bikin Asia chung um, India le Indonesia ah a rak ttuan bel mi an si. Latin American democracy lei a tuan belmi zong an si. Tutan kawlram kong hi cu keimah hi ttuanvo ngei bik cu ka si. Credit: cmpage

Be the first to comment

Leave a Reply

Your email address will not be published.


*