TRUMP NIH KUM DONGH TIANG PEK DINGIN ORDER A CHUAH CANG

Unemployment Benefit Zarh Khat $400.Republicans le Democrats hruaitu hna nih Federal cozah nih zarh khat ah unemployment $600 pek chapmi kongah zeizet in dah kan pehzulh lai timi kongah kap hnih lungthinnak an ngeih khawh lo caah President Trump nih zanlei ah executive order a chuah I zarh khat ah $400 in kum dongh tiang pek ding in order a chuah.

Federal cozah nih COVID 19 ruangah rian ngei lomi hna cu zarh khat ah pandemic unemployment $600 a pek hna i July 31 ah a dih cang. Democrats pawl nih cozah bawmhnak pek than dingmi stimulus pay check cu hostage an tuah I coronavirus he a pehtlai lomi bawmhnak package i telh an duh ruangah atu tiang mipi bawmhnak pek dingmi stimulus check zong hnatlaknak an ngei kho rih lo.

President executive Order ah Siangakchia students loan, leiba cawimi a karh zong kum dih tiang ruah thiam an si rih lai. Inn ngeimi hna zong leiba loan ruangah an inn in dawi khawh an si rih lai lo. Democrats nih an ukmi State pawl cu an tha tein an zohkhenh khawh lo caah Trump nih democrats nih state cozah bawmhnak tam tuk pek cu a duh lo.Credit: Salai Lairamthang

Relchih:Kan i Funtom Lo Ah cun, Chin miphun hi kan i funtom lo ahcun tlau ding a fawite miphun kan si. Khrihfa ram kan si,kan biaknak le kan ram hi Chinmi nih kan humhim a herh. Aho nih khin dah a kan humpiak lai? Kum 70 leng tlangcungmi hna an kan nekrawt, an kan hlennak ruangah hriamtlai in i kahnak kan tonmi cung ah Chinmi lawng silo in tlangcungmi vialte lungrual tein dohthlennak kan tuah acu chinchin cang.

Remdaihnak (peace process) kongkau Union Peace Dialogue (UPDJC) le Union Peace Conference (Zabu 21 Panglong) ramkhel i chawnhbiaknak ah kan duh zong ah duh lo zong ah CNF (Chin National Front) lawng hi Chin miphun ca ah a chimreltu an si. Chimrelpitu bawmchantu ‘miphun party’ an ngeih ve lo tik ah miphun dang hawi hna sin ah ulenau ngei lo bang, an thla a vaih caan a tampi. Mah thil sining hi ka hmuh ka tonmi a si tik ah ka mitthli a tlak caan a tam.

Parliament ah 2008 phunghrampi remh dingah Mi 45 Committee an ser i Chin pakhat hmanh an i tel ti lo, Chinmi i tel ve lo in phunghrampi an remh ding hi kan hna a tla kho cio hnga maw? Miphun ca ah kan pianthar acu cang. Chinram ah cun CNLD (Chin National League for Democracy) thapek ding i zuam hna usih. Tlangcung kan unau dang a simi Shan, Karen, Kayah, Mon, Kachin le Rakhine zong ah miphun party ah thazaang i pe dingin an i zuam cuahmah ve.

Minung hi ahohmanh a tlamtling mi kan um lo, kan tlamtlin lonak i huppheng hna usih. Chin miphun kan sinak hi khuazei kan phak zong ah a tlau lai lo, tha kan i pek khawh lo hmanh ah i doh hna hlah usih law i bawmhchanh tu i zuam chin hna usih.Kan ram ah remdaihnak kan hmuh i Federal ram kan ser khawh nakding le kan Chin miphun le kan biaknak kan hum khawh naklai lungrual tein i funtom zuam ko hna usih. Chin miphun a dawtu kan si dih. Ahohmanh hi holhchia hmang lo tein duhsaknak tu in bia i ceih bia i ruah hna usih.Chinchin Pekthang